Бүгүн, от ыйын 1 күнүгэр, улуус баһылыга Юрий Слепцов Дьокуускай куоракка үлэлээтэ. ... — 1 июля 2026 г. в 09:43:12.915
Бүгүн, от ыйын 1 күнүгэр, улуус баһылыга Юрий Слепцов Дьокуускай куоракка үлэлээтэ. СӨ Инновацияҕа, цифровой сайдыыга уонна инфокоммуникационнай технологияларга миниистирин солбуйааччы Михаил Черноградскай салайан ыыппыт көрсүһүүтүгэр СӨ Бырабыыталыстыбатын 2025 сыллаах отчуотугар нэһилиэнньэттэн киирбит этиилэр олоххо киириилэрин дьүүллэстилэр. Мунньахха видеоконференс сибээһинэн СӨ Бырабыыталыстыбатын бэрэссэдээтэлин солбуйааччы, Уһук Илиҥҥэ Саха сирин бастайааннай бэрэстэбиитэлэ Ким Борисов солбуйааччыта Валерий Протопопов, “Арктиктелеком” АО-тан Надежда Сибирякова, ону сэргэ улуус нэһилиэктэрин баһылыктарыттан Искра нэһилиэгин баһылыга Андрей Новгородов кыттыыны ыллылар. Санатан этэр буоллахха, отчуокка нэһилиэнньэттэн киирбит этиилэр олоххо киириилэригэр туһуламмыт сүбэ мунньах СӨ Инновацияҕа, цифровой сайдыыга уонна инфокоммуникационнай технологияларга миниистирин солбуйааччы таһымыгар үһүс төгүлүн ыытылынна. “Нам улууһа” МО пресс-сулууспата