Политика · 9 июля 2026 г.

Наммыт улууһун мааны ыаллара-бүтүн Саха сирин киэн туттуута! 💐💐💐 — 9 июля 2026 г. в 05:51:14.041

Наммыт улууһун мааны ыаллара-бүтүн Саха сирин киэн туттуута! 💐💐💐 Дьокуускайга «Сыл бастыҥ дьиэ кэргэнэ-2026» куонкурус кыайыылаахтарын чиэстээтилэр От ыйын 8 күнүгэр, бүтүн дойду үрдүнэн бэлиэтэнэр Дьиэ кэргэн, таптал уонна бэриниилээх буолуу күнүн көрсө, Дьокуускай куоракка Саха Өрөспүүбүлүкэтин таһымнаах «Сыл бастыҥ дьиэ кэргэнэ-2026» өрөспүүбүлүкэтээҕи куонкурус түмүктүүр үөрүүлээх тэрээһинэ уонна кыайыылаахтары чиэстээһин үрдүк таһымҥа буолан ааста. Сыл аайы ыытыллар бу дьоһуннаах күрэх Сахабыт сиригэр дьиэ кэргэн сыаннастарын бөҕөргөтүүгэ, төрүт үгэстэри араҥаччылааһыҥҥа уонна ыччаты иитиигэ улахан суолталаах.Быйылгы өрөспүүбүлүкэтээҕи куонкурус уопсайа 8 сүрүн номинациянан ыытылынна. Ол курдук, «Эдэр дьиэ кэргэн», «Тыа ыала», «Элбэх оҕолоох ыал», «Иитэр дьиэ кэргэн», «Кыһыл көмүс дьиэ кэргэн», «Үгэстэри араҥаччылааччы дьиэ кэргэн», «Көс дьиэ кэргэн» уонна «Аҕа дойдуну көмүскээччи дьиэ кэргэнэ» диэн хайысхаларынан бүтүн өрөспүүбүлүкэ үрдүнэн саамай бастыҥнар, холобур буолар мааны ыаллар быһаарылыннылар⤵️