Нам улууһугар отчуттар уматыгы сайаапка быһыытынан ыла тураллар — 22 июля 2026 г. в 08:10:34.683
Нам улууһугар отчуттар уматыгы сайаапка быһыытынан ыла тураллар Бу күннэргэ тохтообокко түһэр ардахтар от үлэтин биллэ бытаартылар. Куйаас күннэр турааттарын кытта отчуттар хаалбыт кэми баттаһа ходуһаларыгар тахсыахтара. Маныаха, уматык боппуруоһа бүтүн дойду үрдүнэн сытыытык турар. Нам улууһугар уматыгынан хааччыллыы боппуруоһа ураты болҕомтоҕо сылдьарын улуустааҕы тыа хаһаайыстыбатын управлениетын салайааччыта Владимир Макаров иһитиннэрдэ: Быйыл өрөспүүбүлүкэ үрдүнэн уматыкка хааччахтааһын баар эрээри, тыабыт дьоно-сэргэтэ оттуу-мастыы этэҥҥэ киирэллэрин туһугар Тыа хаһаайыстыбатын, ас-үөл бэлиитикэтин министиэристибэтэ уонна Гражданскай оборуона дьыалаларын, дьон олоҕор-дьаһаҕар куттал суох буолуутун министиэристибэтэ буолан күүстээхтик үлэлэһэбит. Биһиги улууспутугар уопсайа 25 туонна таранан ГСМ номнуо түҥэтиллэн бүттэ. Ону таһынан бу күннэргэ, “Сервис ойл” ХЭУо “Туймаада-Ньиэп” АУо хампаанньалары кытта бииргэ үлэлэһиигэ сөбүлэҥ түһэрэн, эбии 30 туонна кэлиэҕэ. Нэһилиэктэргэ төһө сайаапка киирбитинэн барыларыгар үллэрэбит. Онон ити хайысхаҕа үлэ тохтоло суох бара турар. «Нам улууһа» МО Пресс-сулууспата