Бүгүн, от ыйын 31 күнүгэр, Нам улууһун Тыа хаһаайыстыбатын управлениетын салайааччыта В... — 31 июля 2026 г. в 12:20:51.777
Бүгүн, от ыйын 31 күнүгэр, Нам улууһун Тыа хаһаайыстыбатын управлениетын салайааччыта Владимир Макаров ходуһаларынан сылдьан от үлэтин хаамыытын билистэ. Төһө да быйыл отчутарга балаһыаньа уустугун иһин, ыарахаттартан толлон турбакка, дьоммут-сэргэбит кыстыкка эрэллээхтик киирэргэ хаалбыт кэми баттаһа, дьэ, оттоон саҕалаатылар. Ол курдук, Владимир Николаевич 1 Хомустаах үрдүгэр уонча бириигэдэ оттуу сылдьарын көрсөн санааларын иһиттэ. Владимир Макаров, улуустааҕы тыа хаһаайыстыбатын управлениятын салайааччыта: Быйыл кыстыкка киирэрбитигэр 27тыһ. тахса туонна от наада. Күүстээх ардахтар кэннэ, өрүстэргэ уу таһыма үрдээн, ходуһаларбыт үксэ ууга барда, ону ол диэбэккэ турар күннэри тутуһан дьоммут үөһэ тахсан оттоон эрэллэр. Аны бу күннэргэ отчуттарбыт баржанан туораан арыыга киирэн эрэллэр. Күн туран биэрдэр кыстыкка отторун хааччыныахтара. Маны таһынан, бүгүн фермер Александр Жирков ууга барбыт хортуопуйун бааһынатын көрдүбүт. Уопсайа 6,9 га ууга барбыт, маны акталаатыбыт. "Нам улууһа" МО пресс-сулууспата