Улуус баһылыга Юрий Слепцов Үөдэй нэһилиэгэр үлэлээтэ, тыа хаһаайыстыбатынан дьарыктана... — 4 сентября 2026 г. в 07:56:03.838
Улуус баһылыга Юрий Слепцов Үөдэй нэһилиэгэр үлэлээтэ, тыа хаһаайыстыбатынан дьарыктанар бааһынай хаһаайыстыбалар үлэлэрин кытта билистэ, тутулла турар дьоҕус кыамталаах объектар тутууларын көрдө-иһиттэ. Виссарион Бочкарев сүөһү турар хотонун көрдүлэр. Кини 2025 сыллаахха «Агростартап» граныгар кыттан техника, сүөһү атыыласпыт. «Кооперация программатынан тутуллубут 100 сүөһү турар хотонугар кыстыкка киирэн, бэйэтин уонна нэһилиэнньэ сүөһүтүн көрөн өҥө оҥоруохтаах. Гараһын, күрүөтүн-хаһаатын тутта сылдьар, быйыл кыстыкка 100-тэн тахса төбө сүөһү киириэхтээх», — диэн нэһилиэк баһылыга Иван Гаврильев иһитиннэрдэ. Ол кэннэ Эдгар Константинов, Трофим Яковлев дьоҕус кыамталаах объектары тутуу программанан тутулла турар объектарын көрдүлэр. Эдгар Валентинович хортуопуй олордуутунан үлэлээбитэ ыраатта. Кини оҕуруот аһын уонна хортуопуй харайар объегын тутта сылдьар. Манна Рафаэль Петров бааһынай хаһаайыстыбатын кытта кыттыһан хортуопуйдарын уонна oҕуруот астарын харайыахтаахтар. Трофим Яковлев, бааһынай хаһаайыстыба баһылыга: — 2016 сыллаахтан хаһаайыстыба тэринэн үлэлии сылдьабын. Улуус баһылыга Юрий Слепцов өйөөн, 70 сүөһү турар хотонун тутта сылдьабын. 30 ыанар ынахтаахпын уонна субай сүөһүлэр бааллар. Оттоон бүппүтүм, кыстыыр отпун оттоотум, — диэтэ. «Былырыын дьоҕус кыамталаах объектары тутуу программанан улууска 3 хотону туппуппут. Быйыл хотон, теплица, овощехранилище, сылгы базатын тутуутугар уонна оҥорон таһаарыыга оборудование атыылаһыыга харчы көрүлүннэ. Тутулла турар объектар кыстыкка киириигэ бары бэлэм буолуохтара», — диэн улуустааҕы тыа хаһаайыстыбатын управлениетын начальнига Владимир Макаров иһитиннэрдэ.