«Нам улууһа» муниципальнай оройуон Биир кэлим диспетчэрскэй сулууспатын (ЕДДС) начальни... — 30 июля 2026 г. в 08:00:41.797
«Нам улууһа» муниципальнай оройуон Биир кэлим диспетчэрскэй сулууспатын (ЕДДС) начальнига Алексей Ядрихинскай: - От ыйын 30 күнүн 16:00 ч. туругунан, Нам улууһун сиригэр-уотугар ойуур баһаара бэлиэтэммэт. Буруо туруута Кэбээйи улууһун Батамайыгар умайа турар ойуур баһаарын кытта сибээстээх. Тыал хайысхата уларыйан, баһаар хойуу буруотун биһиги улууспут диэки аҕалла. Нам улууһа МО ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар хамыыһыйа ыҥырар уонна сэрэтэр: Убаастабыллаах Нам улууһун олохтоохторо уонна ыалдьыттара! Уоттан сэрэхтээх буолуу ирдэбиллэрин кытаанахтык тутуһаргытыгар, сэрэхтээх уонна болҕомтолоох буоларгытыгар ыҥырабыт! Умулларыллыбакка быраҕыллыбыт табаах, көрүүтэ суох хаалбыт кутаа, бэйэ кэнниттэн хомуллубакка хаалбыт бөх - сыыс улахан баһаарга тиэрдиэхтэрин сөбүн умнумаҥ! Ойуурга, тыаҕа сылдьан буруону, уоту көрдөххүтүнэ суһаллык: ✅ Мобильнай телефонунан 101, 112 (босхо) – баһаарынай сулууспаҕа, ✅ Намнааҕы ЕДДС сулууспатыгар – 8(411 62) 42 – 508, ✅Намнааҕы лесничестваҕа – 8(411 62) 42- 355 эрийэн биллэриҥ! Уоту ыыппыт киһи административнай уонна холуобунай дьыалаҕа тардылларын умнумаҥ! Саха сиригэр регионнааҕы таһымнаах ыксаллаах быһыы-майгы режимэ үлэлиирин өссө төгүл санатабыт. Ону тэҥэ ураты баһаарынай режим үлэтэ салҕанар! "Нам улууһа” МО пресс – сулууспата