Бүгүн Саха Өрөспүүбүлүкэтин былааҕын күнэ!
Бүгүн Саха Өрөспүүбүлүкэтин былааҕын күнэ! Саха Өрөспүүбүлүкэтин Судаарыстыбаннай былааҕа 1992 сыл алтынньы 14 күнүгэр СӨ Верховнай Сэбиэтин 15 сессиятыгар бигэргэммитэ. Былаах 4 өҥнөөх. Ол курдук: от күөх — уйгу-быйаҥы, халлаан күөх — ыраас эйэлээх халлааны, кыһыл олох кэрэтин ойуулуур, төрөөбүт дойдуга бэриниилээх буолууну бэлиэтииллэр. Оттон былаах үөһэ ортотугар үрүҥ күн өбүгэлэри кытары ситими көрдөрөр. Саха Өрөспүүбүлүкэтин Судаарыстыбаннай былааҕын дьүһүннэрэ Арассыыйа Федерациятын Судаарыстыбаннай былааҕын өҥнөрүн кытары дьүөрэлэһэллэр, Арассыыйаны кытта биир сомоҕо буоларын көрдөрөллөр. Биллиилээх худуоһунньуктар Л.Д. Слепцова, М.Г. Старостин уонна А.П. Захарова кыттыгас айымньылара. Былаах — норуот! Былаах — өй дууһата! Былаах — саха инникитэ! “Нам улууһа” МО пресс-сулууспата