Единоборство залын сыбаайата түстэ — 9 июля 2026 г. в 07:26:55.247
Единоборство залын сыбаайата түстэ Спортивнай оонньууларга анаан Антоновкаҕа интернаттаах единоборство зала тутуута саҕаланна. Ньурба улууһугар барыта 12 объект тутулла турар. Улуус баһылыга Алексей Иннокентьев бу спорт объега олоххо киирэригэр төһүү күүһүнэн буолбут спорт министерствотын уонна биир дойдулаахпыт Георгий Балакшины бэлиэтээтэ. Эһиил баччаларга үлэҕэ киириэхтээх зал федеральнай үбүлээһиннээх. Алгыс түһэр, объект бастакы олоҕо холбонор түгэҥҥэ кыттыыны ыллылар Октябрьскай нэһилиэк баһылыга Семен Корякин, тутуу миниистирин бастакы солбуйааччыта Евгений Афанасьев, тыа объектарын тутууга государственнай сулууспа гендириэктэрин солбуйааччыта Андрей Асекритов, «ПК ДСА» тутар тэрилтэ дириэктэрин солбуйааччыта Платон Васильев, улуус салайааччылара, депутаттар, общественниктар, нэһилиэк олохтоохторо. IX Спортивнай оонньуулар чэрчитинэн, уопсай үлэ да хаамыытынан сайдыыга улахан хардыы оҥоһуллан улууска тутуу күүскэ барар. Олорор дьиэттэн саҕалаан стадиоҥҥа тиийэ. Бүгүҥҥү үөрүүлээх тэрээһиҥҥэ улуус баһылыга өссө биир үчүгэй сонуну иһитиннэрдэ — балыыһа иккис уочарата тутуллан салҕанарыгар саҥа бэдэрээтчит киирсэн эрэр. Ньурба улууһун дьаһалтатын пресс-сулууспата @gazetanyurba @ulusmedia