Бүгүн, алтынньы 14 күнүгэр, Дьокуускай куоракка Ньурба оройуонун Аҕа баһылыга Алексей М...
Бүгүн, алтынньы 14 күнүгэр, Дьокуускай куоракка Ньурба оройуонун Аҕа баһылыга Алексей Михайлович Иннокентьев уонна Ньурба оройуонун ат спордун Федерациятын салайааччытын солбуйааччыта Семен Николаевич Николаев Ньурба оройуонун сүүрүк аттарын көрөр-истэр тренер Данилов Никита Николаевичтыын уонна ат спордун сэҥээрээччи, куруук Ньурбабыт аттарыгар күүс-көмө буолар биир дойдулаахпыт Еремеев Спартак Иннокентьевичтыын көрүстүлэр. Көрсүһүүгэ оройуон сүүрүк боруода аттарын салгыы көрүүтүн-истиитин туһунан уонна эһиил буолаары турар Оонньууларга сүүрүүлэрин, инники буолуохтаах "Манчаары" оонньууларыгар хамаанда туруоруу туһунан кэпсэттилэр. Билиҥҥи туругунан улахан сүүрүүлэргэ Ньурба оройуонун аатын көмүскүүр икки сүүрүк ат хаалла (Бархан уонна Таргариан). Быйылгы сүүрүү сезонун түмүктүүр балаҕан ыйыгар буолбут сүүрүү кэнниттэн өр сылларга Ньурба оройуонун элбэхтэ ааттаппыт сүүрүк аппыт Деленджер сүүрүүтүн түмүктээбитэ.