Сахабыт былааҕа - киэн туттуубут
Сахабыт былааҕа - киэн туттуубут Бүгүн, алтынньы 14 күнэ – Саха сирин былааҕын күнэ. Судаарыстыбаннай былаах сокуонунан бигэргэнэн, 1992 сыл алтынньы 14 күнүгэр өрөспүүбүлүкэ Үрдүкү Сэбиэтин административнай дьиэтин үрдүгэр Арассыыйа былааҕын кытта кэккэлэһэ күөрэйбитэ. Ол күнтэн ыла саха былааҕа аан дойду государстволарын, Арассыыйа Федерациятын былаахтарын кэккэлэригэр эрэллээхтик күөрэччи өрө көтөҕүллэр. Бу үөрүүлээх күҥҥэ Ньурбатааҕы 3№ алын сүһүөх оскуолатын 2 "б" кылааһыгар "Ааҕар оҕо" бырайыакпыт чэрчитинэн сэргэх тэрээһин буолан ааста. Оҕолор былаах туһунан сиһилии билистилэр, хоһоон аахтылар уонна бары бииргэ аппликация оҥордулар. Илиинэн үлэ оҕо өйүн сынньатар, уоскутар, тарбаҕы эрчийэр. Элбэх буолан бииргэ үлэлииргэ эрчиллии - бу олус туһалаах дьарык буолар. Оҕолор бэйэ-бэйэлэригэр көмөлөһөргө, тулуурдаах буоларга үөрэнэллэр. Сиһилии бу сигэнэн ааҕыҥ ⬇️⬇️⬇️ https://vk.ru/wall-217166169_1895