Суол хаһаайыстыбатын үлэһиттэрин күнүнэн!
Суол хаһаайыстыбатын үлэһиттэрин күнүнэн! Ытыктабыллаах суол хаһаайыстыбатын үлэһиттэрэ уонна бэтэрээннэрэ! «Ньурба оройуона» МО Дьаһалтатын уонна оройуон дьокутааттарын Сүбэтин аатыттан эһигини идэлээх бырааһынньыккытынан истиҥник эҕэрдэлиибит! Бу күн эһиэхэ үгүс түбүктээх уонна эппиэтинэстээх үлэҕит иһин үтүө махтал тылларын аныыбыт. Эһиги үлэҕититтэн оройуон, өрөспүүбүлүкэ нэһилиэнньэлээх пууннарын икки ардыгар сырыы хайдах туруктаах буолара тутулуктаах. Суол ситимэ үчүгэй туруктаах буолуута нэһилиэнньэ олоҕун хаачыстыбатыгар улахан оруоллаах. Ньурба оройуонун суол хаһаайыстыбатын үлэһиттэрэ бу идэлээх бырааһынньыктарын үгүс түбүк үөһүгэр көрсөллөр. «Автодор РИК» АО Ньурбатааҕы филиала Ньурба, Үөһээ Бүлүү уонна Бүлүү оройуоннарыгар "Бүлүү" федеральнай суолу көрөр-истэр уонна өрөмүөннүүр, муниципальнай суолларга, тэрилтэлэр территорияларын асфальтааһыҥҥа эмиэ үлэлэһэр. Итини таһынан оройуоммутугар чааһынай тэрилтэлэр - "Агроснаб", "Партнер" уонна ИП "Антипин", ИП "Мачаттыров", ИП "Чымыров" нэһилиэктэр икки ардыларынааҕы суоллары көрөн-истэн үлэлии-хамсыы сылдьаллар. Ытыктабыллаах суол хаһаайыстыбатын үлэһиттэрэ уонна бэтэрээннэрэ! Эһиэхэ кытаанах доруобуйаны, дьолу-соргуну уонна ситиһиилэри баҕарабыт. «Ньурба оройуона» МО баһылыга А.М.ИННОКЕНТЬЕВ. Ньурба оройуона» МО дьокутааттарын Сүбэтин бэрэссэдээтэлэ Н.М.МИХАЙЛОВА.