Алтынньы 18 күнүгэр, Степан Васильев аатынан Ньурба элбэх хайысхалаах гимназия 8 “А” кы...
Алтынньы 18 күнүгэр, Степан Васильев аатынан Ньурба элбэх хайысхалаах гимназия 8 “А” кылааһын уолаттара аҕаларынаан ИП "Васильев А.И." тэрилтэлэрин кэрийэн көрдүлэр. Бу экскурсия Аҕа күнүгэр ананна. Альберт Иванович бастаан халбаһыы оҥорор сыаҕын көрдөрдө, манна оҕолор сыах үлэтин, халбаһыы хайдах астанан маҕаһыыннарга атыыга тиийэрин сиһилии биллилэр. Халбаһыы амсайан үөрүүлэрэ үгүс буолла. Онтон Дьаархаҥҥа тиийэн Альберт Иванович сыһыыга үлэни, хотоҥҥо ынахтар хайдах туралларын, аһыылларын, ыаналларын көрдөрдө. Оҕолор сүөгэй оҥоһуллар оборудованиены, үлэһиттэр олорор сирдэрин, скотобойня үлэтин көрдүлэр-иһиттилэр. Онтон Альберт Иванович кэргэнинээн Валентина Николаевналыын уонна улэһиттэринээн оҕолорго бириистээх оонньуу оонньоттулар. Воздушканнан ытыыга, оскуома саайарга Степанов Валентин уонна Яковлев Айсен бастааннар иккилии халбаһыы тутаннар үөрдүлэр-көттүлэр. Ол кэннэ пилорама үлэтин билистибит, маһы хантан аҕалан, хайдах араас дьүһүннээх хаптаһын уонна буруус буоларын сэргии иһиттибит. Ити курдук, туруу улэһит дьону Альберт Иванович уонна Валентина Николаевнаны кытта аныгы уйэҕэ тэҥҥэ хаамсан үлэлии-хамсыы сылдьалларын сөхтүбүт-махтайдыбыт. Бу курдук бэйэбит сирбитигэр сибиэьэй аьынан хааччыйан олохтоох дьон махталын ылан, дьон тоҕуоруйа бэйэ халбаһыытын, үүт аһын ыла турдун диэн баҕарыа этибит. Оҕолорго үтүө күнү бэлэхтээбиттэригэр махтанабыт, инникитин да кэлэр кэнчээри ыччакка бэйэлэрин опыттарыттан кэпсээн Ньурбабыт сирин аатырда турдуннар! 8 “А” кылаас төрөппүттэрэ, кылаас салайааччыта Захарова Марина Дмитриевна🍃