Бүгүн Ньурба оройуонун култуураҕа уонна ыччат бэлиитикэтигэр департаменын салайааччыта ...
Бүгүн Ньурба оройуонун култуураҕа уонна ыччат бэлиитикэтигэр департаменын салайааччыта Р.М. Тихонова СӨ Култуураҕа уонна Духуобунай сайдыыга миниистирин маҥнайгы солбуйааччыта М.В.Турантаеваны кытары көрүстэ. 2027 сылга Ньурба оройуонугар ыытыллар СӨ норуоттарын IX Спортивнай оонньууларыгар бэлэмнэнии чэрчитинэн, оройуон култууратын кэккэ боппуруостарын тула кэскиллээх үлэ ыытыллар. Бүгүҥҥү көрсүһүүгэ ордук долгутар кыһалҕалар таарылыннылар. Ол курдук, Марха с. саҥа кулуубун тутуу боппуруоһа Ил Дархан А.С.Николаев тус хонтуруолугар сылдьарын бэлиэтээтилэр. Хаҥалас нэһилиэгэр түмэл дьиэтин өрөмүөнүн хайдах ыытыахха сөбүн, табыгастаах көрүҥнэрин, Чаппанда нэһилиэгин кулуубун өрөмүөнэ национальнай бырайыак иһинэн быһаарыллыан сөбүн кэпсэттилэр. Маны таһынан, кэлэр нэдиэлэҕэ Оонньуулары тэрийиигэ култуурунай өттүн быһаарар хамыыһыйа мунньаҕын миниистир кыттыылаах, Өрөспүүбүлүкэтээҕи норуот айымньытын дьиэтин, бары режиссердары, сценаристары кытыаран ыытары торумнаатылар. Оонньуулар үрдүк таһымҥа ыытыллаллара култуура үлэһиттэриттэн быһаччы тутулуктааҕын өйдүүбүт уонна бары күүһү биир сүбэнэн салайтарарга аныыбыт. Ньурба оройуонун култуураҕа уонна ыччат бэлиитикэтигэр департамена.