Сэриилэһэ сылдьар уолаттарбытыгар көмөнү күүһүрдүөҕүҥ!
Сэриилэһэ сылдьар уолаттарбытыгар көмөнү күүһүрдүөҕүҥ! Улуустааҕы үп управлениетын алтынньы 28 күнүнээҕи сибидиэнньэтинэн, бу сыл саҥатыттан улуустааҕы СВО пуондатыгар 6 627 118 солк. киирдэ. Ол иһигэр балаҕан ыйын 8 күнүттэн пуондаҕа киллэрдилэр: Ньурбатааҕы искусство оскуолата –82 000 солк, улуус дьаһалтата – 119 573 солк, култуура уонна ыччат бэлиитикэтин департамена – 28 722 солк, олоҕу-дьаһаҕы хааччыйар сулууспа - 36 815 солк, үп управлениета – 35 321 солк, ИСУ – 7 900 солк, Өҥөлдьө дьаһалтата – 8200 солк, КИО - 35 000 солк, Акана орто оскуолата - 29 071 солк, улуустааҕы кииннэммит бибилэтиэкэ ситимэ – 110 850 солк, Ньурба 2 №-дээх орто оскуолата - 66 500 солк, ветуправление - 14 008 солк, Ньурбачаан орто оскуолата - 23 000 солк, Үөдэй оскуола-саада – 5000 солк, улуустааҕы кииннэммит бухгалтерия - 93 775 солк, Ньурбатааҕы экология кэмитиэтэ - 6 000 солк, спорт управлениета - 17 019 солк, Антонов Геннадий Владимирович – 5000 солк, улуустааҕы социальнай көмүскэл управлениета - 20 000 солк, Социальнай пуонда Ньурбатааҕы салаата - 23 000 солк, «гаражнай дьаарбаҥка» (улуус дьаһалтата, олоҕу-дьаһаҕы хааччыйар сулууспа, хонтуруоллуур-счетнай палаата, спорт управлениета) - 33 400 солк, Үлэлээх буолуу киинэ - 3 000 солк, «Сарыал» оҕо уһуйаана - 9 625 солк, М.Ф.Алексеев аатынан Өҥөлдьөтөөҕү «Сэргэ» НАДь – 4000 солк, «Кэнчээри» оҕо уһуйаана - 19 000 солк, «Арыылаах» ХЭТ - 100 000 солк, Ньурбатааҕы лесничество - 10 000 солк, хонтуруоллуур-счетнай палата – 2000 солк. Тэрилтэлэртэн олус көхтөөхтүк «Арыылаах» ХЭТ кыттарын бэлиэтиибит: сыл саҥатыттан СВО уонна Спортивнай оонньуу пуондаларыгар, улуус ыһыаҕар 1 мөл. тахса солк. кыттыспыта үтүө холобур буолар. СВО пуондатыгар быйыл улуустааҕы киин балыыһа 1 мөл. солк. биэрбитин туһунан эрдэ суруйан турабыт. Улуустааҕы оперативнай ыстаап быһаарыытынан СВО кыттыылаахтарыгар уонна кинилэр дьиэ кэргэттэригэр көмө оҥоһуллубутун кэнниттэн пуондаҕа алтынньы 28 күнүнээҕи туругунан 1 355 187 солк. хаалла. Бары баарынан малтаччы эттэххэ, СВО пуондатыгар үп киириитэ бытаан. Тэрилтэлэр кыттыһыылара араас: сорох тэрилтэлэр үлэһиттэрэ - 500-тии солк, сорох тэрилтэлэр биирдии күннээҕи хамнастарын ыыталлар. Сэрии саҕаламмыта бэһис сыла, дьон даҕаны сылайа быһыытыйбытын өйдүүбүт. Улууска баар өрөспүүбүлүкэтээҕи уонна федеральнай тэрилтэлэр үлэһиттэр хамнастарыттан ыйын аайы СВО-ҕа көмөлөрүн быһа үөһээҥҥи тэрилтэлэригэр ыыталлар, салалталара оннук ирдиир, ол эрээри сорохторо улуустааҕы СВО пуондатыгар эмиэ киллэрэллэр. Спортивнай оонньуу пуондатыгар эмиэ үп хомуллар, бу эмиэ олус улахан суолталаах тэрээһин буолар. Бу барыта түмүллэн, чуолаан быйыл СВО пуондатыгар үп киириитэ инники сыллардааҕар лаппа бытаарбытын улуустааҕы үп управлениетын сибидиэнньэтиттэн көрөбүт: 2022 с. - 3 580 429 солк, 2023 с. – 8 065 815 солк, 2024 с. – 10 858 138 солк, 2025 с. – 11 180 087 солк, 2026 с. - 6 627 118 солк. Кэлэр ыйга улууспут баһылыга Алексей Иннокентьев салайааччылаах дэлэгээссийэ СВО зонатыгар айанныахтаах. Уолаттарбытыгар төрөөбүт дойдуларын көмөтүн, дьоннорун баһыылкаларын тиэрдиэхтэрэ. Дойдубут туһугар сэриилэһэ сылдьар буойуттарбыт сайаапкалара элбэх. Билиҥҥи сэриигэ дрон уонна итинтэн көмүскэнэр тэриллэр олус наадатын этэллэр, суруйаллар, бу тыын боппуруос: уолаттарбыт олохторо тутулуктаах. Онон улууспут олохтоохторун, үлэлээн иитиллээччилэрин СВО пуондатыгар көхтөөхтүк кыттыһан, көмөҕүтүн киллэрэн иһэргитигэр ыҥырабыт! Дойдуларын көмөтө сэриигэ уолаттарбыт тыыннарын харыстыырын, кинилэргэ көмө-өйөбүл буоларын мэлдьи санаан туран көмөбүтүн күүһүрдүөҕүҥ! Улуус дьаһалтатын пресс-сулууспата