🇷🇺🏃♂️ Тааттаҕа «Сомоҕолоһуу күргүөм сүүрүүтэ» үрдүк таһымнаахтык ыытылынна — 12 июня 2026 г. в 06:59:06.441
🇷🇺🏃♂️ Тааттаҕа «Сомоҕолоһуу күргүөм сүүрүүтэ» үрдүк таһымнаахтык ыытылынна Бэс ыйын 12 күнүгэр, Арассыыйа маанылаах күнүгэр, бүтүн өрөспүүбүлүкэни кытта тэҥҥэ Ытык Күөлгэ «Сомоҕолоһуу күргүөм сүүрүүтэ» (Забег Единства 2026) олус көхтөөхтүк уонна өрөгөйдөөхтүк буолан ааста. Уопсайа улууспут үрдүнэн чөл олоҕу өрө туппут 156 спортсмен уонна сүүрүү аргыстаах олохтоохторо күүстэрин боруобалаатылар. Кыттааччылар саастарынан уонна бэлэмнэниилэринэн араас араҥаҕа арахсан күөн көрсүстүлэр: 👶 Оҕолор — 500 уонна 1000 миэтэрэҕэ сырыстылар; 👵👴 Аҕам саастаахтар уонна скандинавскай хаамыынан дьарыктанааччылар — 3000 миэтэрэҕэ хаамтылар; 🏃♂️ Уһун тыыннаахтар — 2.5 км, 5 км уонна 10 км уһун дистанцияларга күүстэрин астына боруобалаатылар. Сүүрүү кыттыылаахтарын улуус баһылыга, бу улахан тэрээһиҥҥэ бэйэтэ эмиэ көхтөөхтүк кыттан сүүрүү суолугар тахсыбыт Айаал Бурцев ис сүрэхтэн эҕэрдэлээтэ уонна инникитин да спорт сырдык суолун тутуһарбытыгар ыҥырда. 🏆 Түмүккэ күрэхтэһии чаҕылхай кыайыылаахтара: 🔹 2.5 км дистанцияҕа (эр дьоҥҥо): 🥇 Бастакынан фиништаата — Анатолий Оросин. 🥈 Үрүҥ көмүс 2-с миэстэни — улуус баһылыгын солбуйааччы Никифор Жерготов ылла. 🔹 2.5 км дистанцияҕа (кыргыттарга): 🥇 Саамай түргэн сүүрүүкпүтүнэн — Матрена Маркова буолла. 🔹 5 км уһун суолга: 🥇 Кэргэннии Евдокия уонна Иван Ефимовтар тэҥҥэ уонна биир киһи курдук чаҕылхайдык фиништээн кыайыы өрөгөйүн икки төгүл үрдэттилэр! Бары кыттыыны ылбыт, күүстээх санааларын көрдөрбүт сүүрүктэрбитигэр барҕа махтал уонна саҥа ситиһиилэри! Тааттабыт олохтоохторо өрүү чэгиэн уонна сомоҕолоһуулаах буолуоҕуҥ! @taattaadm