Күндү биир дойдулаахтарбын Таатта улууһун дьаһалтатын уонна тус бэйэм ааппыттан эһигини... — 12 июня 2026 г. в 00:40:15.528
Күндү биир дойдулаахтарбын Таатта улууһун дьаһалтатын уонна тус бэйэм ааппыттан эһигини — Арассыыйа күнүнэн ис сүрэхпиттэн эҕэрдэлиибин! 🇷🇺Бу бырааһынньык хас биирдиибитигэр Ийэ дойдубутугар улуу тапталы, ис киэн туттууну, сомоҕолоһууну уонна күүстээх патриотизмы кэрэһилиир. Арассыыйа улуу устуоруйата, баай култуурата уонна күүстээх дууһата — хас биирдии гражданин сүрэҕэр уот буолан умайар. Ытык Таатта сирэ былыр-былыргыттан талааннаах, күүстээх санаалаах уонна үлэһит дьонунан аатырар. Бүгүн биһиги улууспут хас биирдии олохтооҕо бэйэтин күннээҕи үтүө үлэтинэн, ситиһиитинэн улуу Арассыыйабыт уонна төрөөбүт Сахабыт сирин кэскиллээх сайдыытыгар сүҥкэн кылаатын киллэрэр. Бу күн биһиги ураты махталбытын уонна ытыктабылбытын дойдубут көмүскэлигэр туруммут, анал байыаннай дьайыыга (СВО) сылдьар чулуу буойун уолаттарбытыгар, кинилэр дьиэ кэргэннэригэр тиэрдэбит. Кинилэр хорсун быһыылара — улуу дойдубут көмүскэлэ уонна эрэллээх тирэҕэ буолар. Биһиги сомоҕолоһуубут уонна уопсай күүспүт сырдык кыайыыны уонна эйэлээх олоҕу түмүөҕэ диэн кытаанах эрэллээхпит! Хас биирдии дьиэ кэргэҥҥэ дьолу, чэгиэн туругу, этэҥҥэ буолууну уонна саҥа ситиһиилэри баҕарабын! Дойдубут мэлдьи чэчирии сырдаатын, Уруй-айхал! Арассыыйа күнүнэн! Таатта улууһун баһылыга Айаал Бурцев @taattaadm