Таатта улууһугар ыйдааҕы ыраастааһын, тупсарыы уонна көҕөрдүү үлэлэрэ саҕаланнылар — 5 июня 2026 г. в 08:18:56.216
Таатта улууһугар ыйдааҕы ыраастааһын, тупсарыы уонна көҕөрдүү үлэлэрэ саҕаланнылар 🌿🌾Бэс ыйын 1 күнүттэн от ыйын 1 күнүгэр диэри «Таатта улууһа» муниципальнай оройуонун нэһилиэнньэлээх пууннарын сирдэрин-уоттарын санитарнай ыраастааһыҥҥа, тупсарыыга уонна көҕөрдүүгэ аналлаах ыйдааҕы тэрээһин (месячник) саҕаланна. Улуус баһылыга Айаал Бурцев дьаһалынан, бу тэрээһин чэрчитинэн улуус территориятын чэбдигирдии үлэтин салайар уонна кэтиир хамыыһыйа тэриллибитэ. Хамыыһыйа үлэтин саҕалаан, бүгүн мунньахтаан, ыйдааҕы тэрээһин чэрчитинэн ыытыллыахтаах үлэлэри сиһилии былааннаата. Үлэни түргэнник уонна тиһиктээхтик ыытар сыалтан, араас хайысхаларга эппиэтинэстээх рабочай группалар тэрилиннилэр. Бу группалар кэлэр кэмҥэ нэһилиэктэр иһинэн субботниктары, чэбдигирдэр аахсыйалары, мусор хомуйуутун, талахтары, сибэккилэри олордууну уонна улуус нэһилиэнньэлээх пууннарын тас көрүҥүн тупсарыыга туһуламмыт элбэх үлэни тэрийиэхтэрэ. Улуус дьаһалтата бу ыйга дьону-сэргэни барытын төрөөбүт дойдутун ыраас, кэрэ буоларыгар бэйэтин кылаатын киллэрэригэр ыҥырар. @taattaadm