Үрүҥ көмүс кыайыылаахтар: Тааттаттан сылдьар Вырдылиннар дьиэ кэргэн өрөспүүбүлүкэҕэ 2-... — 13 июня 2026 г. в 23:05:27.961
Үрүҥ көмүс кыайыылаахтар: Тааттаттан сылдьар Вырдылиннар дьиэ кэргэн өрөспүүбүлүкэҕэ 2-с миэстэни ылла 🌿Бэс ыйын 13 күнүгэр Хаҥалас улууһун Уулаах Аан сэлиэнньэтигэр «Семейная зарница» өрөспүүбүлүкэтээҕи ураты күрэс буолан ааста. Күөн көрсүһүүгэ уопсайа 6 күүстээх хамаанда (Дьокуускай куораттан — 2, Нам, Хаҥалас, Таатта уонна Нерюнгри) илин-кэлин түһүстүлэр. Биһиги улууспутуттан Екатерина, Гаврил, Миша уонна Айыына Вырдылиннар дьиэ кэргэн олус чаҕылхайдык кытыннылар. Кинилэр күрэх хас биирдии хайысхатыгар бэйэлэрин дьоҕурдарын уонна түмсүүлээхтэрин көрдөрөн, үрдүк көрдөрүүлэри ситистилэр: 🎨 Творческай куонкуруска — 1️⃣ миэстэ! 🗺 Маршрутнай квест-оонньууга — 2️⃣ миэстэ! 🎯 Байыаннай-тактическай оонньууга — 3️⃣ миэстэ! 📊 Бу үрдүк ситиһиилэр түмүктэринэн, Вырдылиннар дьиэ кэргэн уопсай түмүккэ өрөспүүбүлүкэҕэ Бочуоттаах 2-с миэстэни ылан, үрүҥ көмүс мэтээл хаһаайыннара буоллулар! Хамаанданы бу улахан ситиһиигэ тиэрдибит эрчийээччигэ — И.Ю. Тарасенкоҕа барҕа махтал буолуохтун. Ытык Тааттабыт албан аатын өрөспүүбүлүкэ таһымыгар чиэстээхтик ааттаппыт Вырдылиннар дьиэ кэргэни ис сүрэхтэн истиҥник эҕэрдэлиибит! Дьиэ кэргэҥҥитигэр мэлдьи өйдөһүүнү, чэгиэн туругу уонна өссө да үрдүк ситиһиилэри баҕарабыт! @taattaadm