🏢🏛️ ТААТТАҔА САҤА ТААС ЭБИЙИЭК ДЬОҺУННААХТЫК АРЫЛЫННА: Ил Дархан ВКС нөҥүө эҕэрдэлээтэ — 17 сентября 2026 г. в 05:53:10.437
🏢🏛️ ТААТТАҔА САҤА ТААС ЭБИЙИЭК ДЬОҺУННААХТЫК АРЫЛЫННА: Ил Дархан ВКС нөҥүө эҕэрдэлээтэ Бүгүн, балаҕан ыйын 17 күнүгэр Таатта улууһун устуоруйатыгар ураты суолталаах өрөгөйдөөх күн үүннэ. Ытык Күөл килбэйэр киинигэр улууспут олоҕун тупсарар, норуоппут духуобунай сайдыытыгар туһаайыллыбыт аныгы саҥа таас эбийиэги үөрүүлээх быһыыга-майгыга арылынна. Тэрээһиҥҥэ улуус салалтата, нэһилиэктэр баһылыктара, тэрилтэлэр салайааччылара кытыннылар. Бу күн Саха Өрөспүүбүлүкэтин үрдүнэн уопсайа 11 саҥа социальнай суолталаах эбийиэк биир кэмҥэ үлэҕэ киллэрилиннэ. Саха Өрөспүүбүлүкэтин Ил Дархана Айсен Сергеевич Николаев үөрүүлээх тэрээһиҥҥэ видеоконференцсвязь (ВКС) нөҥүө быһа холбонон кытынна. Кини саҥа эбийиэктэр киирэр кэлэктииптэргэ уонна улуустар олохтоохторугар эҕэрдэтин тиэрдэн, үлэҕэ үрдүк ситиһиилэри баҕарда. 📚 Тэрээһин кэмигэр И.А. Аргунов аатынан Тааттатааҕы киин библиотека дириэктэрэ Анна Билюкина өрөспүүбүлүкэ уонна улуус салалтатыгар барҕа махталын биллэрдэ. Кини бэйэтин тылыгар Таатта улууһа саха норуотугар духуобунас, литература уонна култуура уйата буоларын бэлиэтээтэ, ону тэҥэ саҥа аныгы киин улуус инники кэскиллээх сайдыытыгар, кэнчээри ыччаты иитиигэ төһүү күүс буолуоҕун тоһоҕолоото. ✂️ Саҥа эбийиэги арыйар кыһыл лиэнтэни үөрүүлээх быһыыга-майгыга Таатта улууһун баһылыга Айаал Бурцев, «Монтажник» производственнай кооператив прораба Семен Эляков, Улуустааҕы киин библиотека дириэктэрэ Анна Билюкина. быстылар. Саҥа өҥөнү оҥорор муниципальнай киин улууспут социальнай-культурнай инфраструктуратын тупсарыыга уонна олохтоох нэһилиэнньэҕэ аныгы таһымнаах өҥөлөрү оҥорууга кэскиллээх объект буолара саарбахтаммат. 📲МАХ|