🌳🕊️ ҮЙЭЛЭЭХ ӨЙДӨБҮЛ — 16 сентября 2026 г. в 11:17:52.175
🌳🕊️ ҮЙЭЛЭЭХ ӨЙДӨБҮЛ Бүгүн, балаҕан ыйын 16 күнүгэр, Тааттабыт нэһилиэгэр төрөөбүт сирбитин тупсарар, чэчирэтэр сыаллаах «Көҕөрдүү» аахсыйа үрдүк тэтиминэн, биир сомоҕо буолан ыытылынна. Тэрээһин аһыллыытыгар Таатта улууһун баһылыга Айаал Бурцев уонна Таатта нэһилиэгин баһылыга Егор Павлов кыттыыны ылан, мустубут дьоҥҥо-сэргэҕэ, тэрилтэлэр кэлэктииптэригэр уонна эдэр ыччакка истиҥ эҕэрдэ тылларын тиэртилэр. Кинилэр төрөөбүт нэһилиэкпитин күөх лыҥкыныы тупсарар үлэҕэ хас биирдии олохтоох, тэрилтэ кылаата олус суолталааҕын тоһоҕолоон бэлиэтээтилэр. 🎖🌳Бу күҥҥэ аахсыйа биир саамай долгутуулаах уонна ытык түгэнинэн тутулла турар Анал байыаннай дьайыы (СВО) кыттыылаахтарын скверигэр көҕөрдүү үлэтэ буолла. Улуус баһылыга Айаал Бурцев нэһилиэк көхтөөх ыччаттарын, волонтердарын кытары бииргэ үлэлээн, сквер иһигэр бэйэтин илиитинэн маҥан хатыҥнары олорто. 🌳Аахсыйа чэрчитинэн улууспут бары тэрилтэлэрэ бэйэлэригэр сыһыарыллыбыт палисадниктарыгар, уулуссаларыгар тахсан күргүөмнээхтик үлэлээтилэр, уопсайа 480 хатыҥ мас уонна талах олордулунна. Биир сомоҕо күүһүнэн олордубут хатыҥнарбыт силис тардан, күөх лабааларын далбаатаан, Ытык Күөлбүт сирин киэргэтэ, эр санаалаах буойуттарбыт албан ааттарын кэрэһилии үйэлэргэ лыҥкыныы турдуннар! 📲МАХ|