🏛️АНАНИЙ АНДРЕЕВ ТӨРӨӨБҮТЭ 125 СЫЛЫГАР АНАЛЛААХ УЛАХАН ТЭРЭЭҺИННЭР ААСТЫЛАР
🏛️АНАНИЙ АНДРЕЕВ ТӨРӨӨБҮТЭ 125 СЫЛЫГАР АНАЛЛААХ УЛАХАН ТЭРЭЭҺИННЭР ААСТЫЛАР Бүгүн Таатта улууһугар бэлиэ улахан түгэн — бөдөҥ судаарыстыбаннай диэйэтэл, Саха АССР коммунальнай хаһаайыстыбатын бастакы народнай комиссара, сахалартан бастакы үрдүк үөрэхтээх инженер-теплоэнергетик Ананий Кононович Андреев төрөөбүтэ 125 сылыгар аналлаах киэҥ хабааннаах тэрээһиннэр өрө көтөҕүллүүлээхтик буолан аастылар. 🌐 Бу үбүлүөйдээх күн Саха Өрөспүүбүлүкэтин ОДьКХ ГУП генеральнай директора Виталий Чикачев салайааччылаах өрөспүүбүлүкэ улуустарын ОДьКХ филиалларын салайааччылара Таатта сиригэр кэлэн кыттыыны ыллылар. Үөрүүлээх тэрээһиҥҥэ улуус баһылыга Айаал Бурцев хомунаалынай эйгэ үлэһиттэрин итиитик-истиҥник эҕэрдэлээн туран, Ананий Андреев саха норуотугар уонна өрөспүүбүлүкэ сайдыытыгар ураты сүдү суолтатын бэлиэтээтэ уонна бу хайысхаҕа сыралаахтык үлэлии сылдьар ОДьКХ түмэлин сэбиэдиссэйигэр Галина Арылаховаҕа тус махталын тиэртэ. 🎭 Дьохсоҕоннооҕу норуот айымньытын дьиэтигэр Ананий Андреев олоҕун оҥкулларынан туруоруллубут «Улуукан уолбут – хоодуот хотойбут» диэн дьүһүйүү тэрээһин кыттыылаахтарыгар улахан сэргэхситиини киллэрдэ. СӨ Национальнай архыыбын докумуоннарыгар наукаҕа туттуу отделын кылаабынай архивиһа Вячеслав Сивцев Ананий Кононович олоҕун уонна үлэтин-хамнаһын туһунан устуоруйа чахчыларыгар олоҕуран сиһилии сырдатта. ОДьКХ ГУП генеральнай дириэктэрэ Виталий Чикачев Ананий Андреевы үйэтитии үлэтэ салҕанан барарын бэлиэтээтэ. Тэрээһин «Норуот туһугар анаммыт олох» хоһоонунан түмүктэннэ. Улуу салайааччыбыт сырдык аата үйэлэргэ умнуллубат! 📲МАХ|