🏗️ ХОНТУРУОЛГА – КЫСТЫК УОННА ТУТУУЛАР
🏗️ ХОНТУРУОЛГА – КЫСТЫК УОННА ТУТУУЛАР Бүгүн, балаҕан ыйын 21 күнүгэр, Таатта улууһун баһылыга Айаал Бурцев улуус прокурора Александр Малинкинныын үлэ сүнньүнэн Ытык Күөл сэлиэнньэтигэр хас да сүрүн хомунаалынай уонна социальнай тутуу эбийиэктэрин миэстэтигэр тиийэн бэрэбиэркэлээтилэр. 📋Үлэ бөлөҕө чааһынай оттук тэрилтэлэрэ — ООО «Альтернатива» уонна ООО «Теплострой «Саха» хочуолунайдарыгар сырыттылар. Оттук сезонун саҕаланыытыгар чох хаһааһын таһымын, оборудованиелар уонна тепловой ситимнэр техническэй бэлэмнэрэ туруктааҕын, олорор дьиэлэри тохтообокко, итэҕэһэ суох итиинэн хааччыйыы ирдэбиллэрин көрдүлэр. Маны сэргэ, улууска тутулла турар Дьарыктаах буолуу киинин (Центр занятости) аныгы тутуутун хаамыытын сиһилии билистилэр. Тутуу графигын тутуһуу, матырыйаалынан хааччылыы уонна үлэ хаачыстыбата бэрэбиэркэлэннэ. 🏟️Таатта нэһилиэгин киинигэр олохтоохтор уонна улуус ыалдьыттара сынньанарга, түмсэргэ аналлаах саҥа аныгы болуоссат тутуутун, дизайн-бырайыак олоххо киириитин көрдүлэр. Эбийиэги бэлиэтэммит болдьоххо үрдүк хаачыстыбалаахтык үлэҕэ киллэрии соруга турда. Үлэ сырыытын түмүгүнэн подрядчиктарга, тэрилтэлэр салайааччыларыгар уонна олохтоох дьаһалтаҕа чопчу соруктар уонна рекомендациялар бэрилиннилэр. Кыстыкка бэлэмнэнии уонна тутуулар хаамыылара улуус салалтатын уонна прокуратура бэйэтин кытаанах хонтуруолугар тутуллуоҕа. 📲МАХ