🏛️ИНАУГУРАЦИЯ: Улуус баһылыга Айаал Бурцев Октябрьскай нэһилиэгин саҥа баһылыгын эҕэрд...
🏛️ИНАУГУРАЦИЯ: Улуус баһылыга Айаал Бурцев Октябрьскай нэһилиэгин саҥа баһылыгын эҕэрдэлээтэ «Октябрьскай нэһилиэк» тыа сирин түөлбэтин саҥа талыллыбыт баһылыга Олег Николаевич Ушницкай үөрүүлээх быһыыга-майгыга дуоһунаһыгар киириитин дьоро күнэ буолан ааста. Тэрээһиҥҥэ Таатта улууһун баһылыга Айаал Бурцев, улуус нэһилиэктэрин баһылыктара, тэрилтэ салайааччылара, бэтэрээннэр уонна олохтоох дьон-сэргэ көхтөөхтүк кытыннылар. 💬 Таатта улууһун баһылыга Айаал Бурцев саҥа талыллыбыт баһылыкка тус эҕэрдэтин тиэртэ: «Октябрьскай нэһилиэк — саха духуобунаһын, устуоруйатын биһигэ буолбут биһиги улууспут биир сүрүн, киэн туттар нэһилиэгэ. Саҥа талыллыбыт баһылыкка норуот уонна депутаттар көрдөрбүт үрдүк эрэллэрэ — бу сүдү эппиэтинэс уонна нэһилиэк салгыы чэчирии сайдарыгар улахан тирэх буолар. Улуус дьаһалтата куруук өйүөҕэ, инникитин биир сомоҕо буолан үлэлиэҕиҥ», — диэн бэлиэтээтэ. Олег Николаевиһы эппиэтинэстээх дуоһунаһыгар киирбитинэн улуус нэһилиэктэрин баһылыктара, биир дойдулаахтара, үөлээннээхтэрэ уонна олохтоох уопсастыбаннас итиитик-истиҥник эҕэрдэлээн, үтүө алгыстарын уонна баҕа санааларын анаатылар. Октябрьскай нэһилиэгин саҥа баһылыгар Олег Николаевич Ушницкайга саҥа дуоһунаһыгар ситиһиилээх үлэни, бигэ тулууру, дьонугар-сэргэтигэр эрэллээх тирэх буоларыгар уонна Чөркөөх сирэ өссө да чэчирии сайдарыгар чаҕылхай ситиһиилэри баҕарабыт! 📲МАХ|