🏛️ ҮЛЭ СЫРЫЫТА
🏛️ ҮЛЭ СЫРЫЫТА Бүгүн Чөркөөххө саҥа баһылык инаугурациятын кытары тэҥҥэ, улуус салалтатын уонна быраабы араҥаччылыыр уорганнар холбоһуктаах үлэ сырыылара буолан ааста. Таатта улууһун баһылыга Айаал Бурцев улуус прокурора Александр Малинкинныын үлэ сүнньүнэн Чөркөөх сэлиэнньэтигэр социальнай эбийиэктэр кыстыкка бэлэмнэрин уонна тутуу хаамыытын миэстэтигэр тиийэн бэрэбиэркэлээтилэр. 📋 Оттук сезонун саҕаланыытыгар уонна кыһыҥҥы тымныылар чугаһаабыттарынан сибээстээн, хочуолунай үлэтин-хамнаһын көрдүлэр. Манна: чох саппааһа төһө баара, оборудованиелар бэлэмнэрэ, уот-итии ситимнэрэ туруктаахтык үлэлииллэрэ, уопсай баһаар куттала суох буолуутун ирдэбиллэрэ тутуһуллуута хонтуруолга ылылынна. Тымныы кэмҥэ социальнай тэрилтэлэри уонна олорор дьиэлэри туруктаах итиинэн хааччыйыы улуус дьаһалтатын уонна прокуратура ураты болҕомтотугар сылдьар. Олохтоохтор тапталлаах сынньалаҥ сирдэрин аллея үлэтин хаамыытын, тутуу хаачыстыбатын уонна көҕөрдүү, тупсарыы боппуруостарын көрдүлэр. Үлэ сырыытын түмүгүнэн нэһилиэк салалтатыгар уонна хомунаалынай хаһаайыстыба салайааччыларыгар кыстыгы этэҥҥэ туорааһыҥҥа уонна нэһилиэк инфраструктуратын тупсарыыга чопчу соруктар бэрилиннилэр. 📲МАХ|