Күндү эбии үөрэхтээһин эйгэтин педагогтара, наставниктара, бэтэрээннэрэ уонна үлэһиттэрэ!
Күндү эбии үөрэхтээһин эйгэтин педагогтара, наставниктара, бэтэрээннэрэ уонна үлэһиттэрэ! 💫Таатта улууһун дьаһалтатын уонна тус бэйэм ааппыттан Эһигини идэлээх бэлиэ бырааһынньыккытынан — Оҕоҕо эбии үөрэхтээһин бары үлэһиттэрин күнүнэн ис сүрэхпиттэн итиитик-истиҥник эҕэрдэлиибин! Эбии үөрэхтээһин — оҕо ис дьоҕурун, айар кутун, билиигэ-көрүүгэ дьулуурун уонна тус талаанын чаҕылхайдык арыйар ураты, абылаҥнаах эйгэ буолар. Манна хас биирдии оҕо бэйэтин дууһатынан талбыт дьарыгар уһуллан, ускуустуба, спорт, наука, техника уонна төрүт культура аартыгар бастакы эрэллээх хардыыларын оҥорор. Биһиги Тааттабыт сирэ талааннаах ыччатынан куруук баай уонна киэн туттар. Оҕо искусствотын оскуолаларыгар, спортивнай секцияларга, оҕо айымньытын дьиэлэригэр, научнай-техническэй куруһуоктарга эһиги сыралаах үлэҕит түмүгэр улууспут оҕолоро өрөспүүбүлүкэ, Арассыыйа уонна аан дойду таһымнаах күрэхтэргэ, күөн күрэстэргэ, фестивальларга ситиһиилээхтик кытталлар, бастыҥнар кэккэлэригэр киирэллэр. Оҕону төрөөбүт сирин таптыырга, норуотун төрүт үгэстэрин, тылын харыстыырга, сырдыкка-кэрэҕэ тардыһарга иитэн таһаарар үтүө үлэҕит хаһан баҕарар үрдүктүк сыаналанар. Ытыктабыллаах педагогтар уонна эбии үөрэхтээһин бэтэрээннэрэ! Эдэр көлүөнэни уһуйар, талаан кыымын саҕар айымньылаах, эппиэтинэстээх үлэҕит иһин улуус олохтоохторун аатыттан дириҥ махталы биллэрэбин! Эһиэхэ кытаанах чыпчаал чэгиэн туругу, уостубат айар эрчими, саҥа сонун бырайыактары, дьиэ кэргэҥҥитигэр куруук сылаас эйгэни, ил-эйэни уонна дьолу-соргуну баҕарабын! Үөрэнээччилэргит ситиһиилэрэ, үрдүк кыайыылара Эһиэхэ өрүү үөрүүнү уонна саҥа кынаты ууннуннар! Таатта улууһун баһылыга Айаал Бурцев