Күндү Таатта улууһун олохтоохторо, ытыктабыллаах биир дойдулаахтар!
Күндү Таатта улууһун олохтоохторо, ытыктабыллаах биир дойдулаахтар! Таатта улууһун дьаһалтатын, тус бэйэм ааппыттан Эһигини дойдубут үрдүнэн биллэриллибит Россия норуоттарын сомоҕолоһууларын сылын кытта сибээстээн, саамай үтүө, өрөгөйдөөх бырааһынньыкпытынан — Норуот сомоҕолоһуутун күнүнэн итиитик-истиҥник эҕэрдэлиибин! Бу бырааһынньык — үйэлэргэ салҕанан кэлбит төрүт үгэстэрин, биир сомоҕо буолар күүспүтүн, дойдубутугар уонна төрөөбүт сирбитигэр муҥура суох бэриниилээхпитин өссө төгүл өрө тутан бэлиэтиир ураты күн. Биһиги улуу күүспүт — араас омук дьоно биир санаанан салайтаран, эйэнэн, убаастабылынан уонна өйөһөн олороллоругар саамай сүрүн тирэхпит буолар. Россия норуоттарын сомоҕолоһууларын сыла биһиги соруктарбытын өссө чуолкайдаан, түмсэн үлэлиир күүспүтүн холбуур. Таатта улууһа — былыр-былыргыттан үлэни өрө тутар, элбэх омук иллээхтик олохсуйбут, төрүт культуратын харыстыыр уонна сайыннарар улуу түөлбэтэ. Бүгүн, Аҕа дойдубут иннигэр эппиэтинэстээх кэмҥэ, биһиги биир санаалаах, биир сомоҕо буоларбыт ордук суолталаах. Күндү бар дьонум! Эһиэхэ уонна эһиги дьиэ кэргэттэргитигэр кытаанах чэгиэн туругу, уостубат күүһү-уоҕу, үлэҕитигэр ситиһиилэри баҕарабын. Хас биирдии дьиэ кэргэҥҥэ куруук ил-эйэ, сылаас эйгэ уонна дьол-соргу тосхойдун. Дойдубут дьылҕатыгар биир сомоҕо буолан, инникитин да күүстээхтик, эрэллээхтик хардыылыаҕыҥ! Таатта улууһун баһылыга Айаал Бурцев