тэрийбит «Бэрдьигэстээх – улуус тэбэр сүрэҕэ» велоквест ситиһиилээхтик ааста. Олус интэ...
тэрийбит «Бэрдьигэстээх – улуус тэбэр сүрэҕэ» велоквест ситиһиилээхтик ааста. Олус интэриэһинэй интеллектуальнай-спортивнай оонньууга Бэрдьигэстээх оскуолаларыттан 8-тыы киһилээх хамаандалар уонна 4 дьиэ кэргэн биир сомоҕо буолалларын көрдөрдүлэр. Дьиэ кэргэнинэн күрэххэ: 1 миэстэ – 6 «А» кылаас дьиэ кэргэнэ, 2 миэстэ – 5 «В» кылаас дьиэ кэргэнэ, 3 миэстэ – Константиновтар дьиэ кэргэн. Оҕолорго хамаанданан күрэххэ: 1 миэстэ – 10 «Б» кылаас, 2 миэстэ – Бэрдьигэстээх улуустааҕы гимназията, 3 миэстэ – 6-8 кылаас хомуур хамаандата. Сонун тэрээһининэн «Күбэйэ» туой студията (сал.Даайа Моруот) ыалдьыттарга, олохтоохторго көһүйэҕэ араас ас көрүҥүн астааһына уонна айах тутан күндүлээһинэ буолла. Байанай бэлэҕин кус, хаас, куобах, тайах этинэн миин, торуой, ыһаарыламмыт собо, буотарах миинэ курдук минньигэс астары дьон үөрэ-көтө амсайан, махталларын тиэрдэллэр. Бырааһынньыкпытын саха эстрадатын сулустарын кэнсиэринэн түмүктэннэ. Нэһилиэнньэҕэ өрө көтөҕүүлээх киэһэни, үчүгэй настарыйыанньаны бырааттыы Даниловтар ааттарынан Духуобунас киинэ тэрийэн ыытта. Сыллата ыытар Бэрдьигэстээхпит күнэ этэҥҥэ ааста. Кыттыспыт тэрилтэлэрбитигэр, көхтөөх дьоммутугар барҕа махталбытын тиэрдэбит. Нэһилиэкпит сайдыыта-түмсүүлээх буолууга!