Быйыл бэһис сылын ыытыллар Бэрдьигэстээх күнү быһа ньиргиччи ааста.
Быйыл бэһис сылын ыытыллар Бэрдьигэстээх күнү быһа ньиргиччи ааста. Балаҕан ыйын 3 күнүгэр Бэрдьигэстээхпитигэр ыччат сыла биллэриллэн, сылы супту араас тэрилтэлэр холбоһуктаах 4 хамаандаларыгар «Сэргэх сэлиэнньэ" бэстибээл чэрчитинэн, «Кыайыы ыллыга» туристическай слет ыытылынна. Сынньалаҥ пааркаҕа 60-ча ыччат мустан бэйэ-бэйэлэрин кытта ыкса доҕордоһон, бириэмэлэрин интэриэһинэйдик атаардылар. Слет кэмигэр ыччат миниистирэ Петр Шамаев кэлэн эдэрдэри кытта атах тэпсэн олорон кэпсэтэн, санаа үллэстэн, тэрээһин сүргэтин көтөхтө. 5 түһүмэхтээх күрэх түмүгүнэн, 1 миэстэҕэ «Чыпчаал», 2 миэстэҕэ – «Сайдыы», 3 миэстэҕэ - «БердСаас» хамаандалар тигистилэр. Балаҕан ыйын 4 күнүгэр улуус көхтөөх дьонун түмэр Гражданскай форум үс блогунан арахсан ыытылынна. Бастакы блокка ыччат министиэристибэтин специалистара общественниктары бырайыак суруйууга үөрэттилэр, иккис блокка – тыа хаһаайыстыбатын үлэһиттэригэр уонна урбаанньыттарыгар аналлаах семинар буолла, үһүс блокка култуура эйгэтэ түмүстэ. Форум арыллыытыгар бастыҥ общественниктары бэлиэтээтилэр. Бу күн Бэрдьигэстээх бочуоттаах олохтоохторун саҥардыллыбыт сквера арылынна. Скверга 260 олохтоох аата суруллан турар, бочуот дуоскатыгар киирбит ыалдьыттар кыһыл көбүөрүнэн хааман ытыс дохсун тыаһынан чиэстэннилэр. Быйыл олохтоох дьаһалта «Куорат эйгэтин тупсаҕай оҥоруу» бырайыагар кыттан, өрөмүөн үлэтин ыытта. Үөрүүлээх күнүнэн республика сүрүн архитектора Любовь Папок кэлэн эҕэрдэлээтэ уонна «Өрөгөй» албан аат скверын тутуутугар кыайыылаах кубогу нэһилиэк баһылыгар Алексей Аргуновка туттарда. Салгыы Мэхээлэ Дьөгүөрэп аатынан сынньалаҥ киинигэр нэһилиэнньэ көҕүлээһинин өйүүр бырагыраамма чэрчитинэн саҥалыы өрөмүөннэммит саалатын арыллыытын сиэрэ-туома ыытылынна. Бэрдьигэстээх күнүн сүрүн тэрээһиннэрэ балаҕан ыйын 5 күнүгэр буоллулар. Үгэс быһыытынан «Кырдьаҕас Бэрдьигэстээх» скверыгар «Дойдум дьонун таптала, Бэрдьигэстээх кырдала» театрализованнай дьүһүйүүнэн күммүтүн саҕалаатыбыт. Үөрүүлээх чааска нэһилиэк, улуус баһылыктара уонна култуура миниистирэ Афанасий Ноев кыттыыны ыллылар. «Киин», «Эбэ», «Сардаҥа» и «Эйэ» түөлбэлэрэ күһүҥҥү дьаарбаҥкаҕа кыттан киэргэттилэр. Түгэнинэн туһанан нэһилиэк баһылыга Алексей Аргунов түөлбэлэр икки ардыларыгар ыытыллыбыт сибэкки олордуутугар күрэх түмүгүн биллэрдэ: 1 миэстэ - «Эйэ» (15 000 солк.), 2 миэстэ - «Сардаҥа» (10 000 солк.), 3 миэстэ - «Киин» (5 000 солк.). Махтал тылбытын биллэрэбит күрэххэ спонсордаабыт урбаанньыттарга: Александр Данилов, «Газсвет», «МехДорстрой» тэрилтэлэргэ. Улууспут 95 сылын көрсө «95 үтүө дьыала» акциянан ыытыллыбыт үлэлэр быыстапката дьн сэҥээриитин ылла. Быйыл аан бастакытын улуус дьаһалтата тэрийитиинэн, Иннокентий Максимов – Сүүрүк Киэсэ аатын үйэтитэн, «Сүүрүк» полумарафон ыытылынна. Барыта 300-тэн тахса киһи араас дистанцияҕа кытыннылар. Бу тэрээһиҥҥэ араас улуустартан, куораттан ааттаах-суоллаах спортсменнар кэлэн кыттыыны ылбыттара сүргэни көтөхтө. Л.Е.Лукина аатынан оҕону эбии дьарыктааһын киинэ ыалдьыттарга анаан “Cтарт-ап” бизнес-инкубатор оҥорор сувенирдарын атыытын тэрийдэ. Дьокуускай куораттан ыҥырыллан кэлбит «Крафт-студия» мастерскойа, «INSIDE» брейк-данс бөлөх тэрийээччитэ Дьулустаан Сантаев маастар-кылаас ыыттылар. Сылын аайы Маатта кэрэ кытылын уруһуйдуур үтүө үгэскэ кубулуйда. Футболу интэриэһиргиир уол оҕо элбэх буолан, нэһилиэк баһылыгын кубогар күрэхтэһии «Чыпчаал» стадиоҥҥа буолла. Уопсайа 7 киһилээх 8 хамаанда кыттыыны ылбытыттан, 1 миэстэҕэ «Мытаах», 2 миэстэ «Мохсоҕол», 3 миэстэ «Бэргэн» хамаандалара кыайыылаах буоллулар. «Бастыҥ оонньооччу» аатын Дамир Константинов, «Бастыҥ нападающай» аатын Тихон Винтоняк сүктүлэр. Ох саа федерациятын (сал.Анатолий Лю-фа) тэрийиитинэн, «Күөрэй, оноҕоһум» диэн 3 киһилээх хамаанданан күрэх бэрт сонуннук ааста. Байанай бэлэ5э, Крестики-нолики, Иҥэһэ охсуута диэн 3 түһүмэҕинэн күөн көрүстүлэр. 8 хамаандаттан кыайдылар: 1 миэстэ «Өрөгөй» (Бэрдьигэстээх), 2 миэстэ «Хотой» (Дьокуускай), 3 миэстэ «Чокуур» (Дьокуускай). С.П.Данилов аатынан Бэрдьигэстээх орто оскуолатын