Доброе дело № 31
Доброе дело № 31 *УЛУУС* *95 СЫЛА.* Хас биирдии киһи санаата сайаҕас, дууһата сырдык, үтүө санаа аргыстаах буоллаҕына дьон-сэргэ махталын ылыан ылар. Ол курдук *"Сардаҥа"* түөлбэ ытык ыалын аҕа баһылыга, педагогическай үлэ бэтэрээнэ Виктор Прокопьевич Константинов бэйэтин үтүө санаатынан С. П. Данилов аатынан орто оскуола иннинээҕи тротуар оҕо атаҕын өлөрүөх айылаах алдьаммытын абырахтаан, саҥа плиталары ууран бэртээхэйдик оҥордо. Түөлбэ олохтоохторун махталлара улахан. Билигин үөрэх саҕаланыа турдаҕа. Оҕолор Виктор Прокопьевич сүрэҕин сылааһын ууран туран тупсаҕайдык оҥорбут тротуарынан кэрэтик киэргэммит, сибэкки тутуурдаах оҕолор оскуолаларыгар үөрэ-көтө барыахтара турдаҕа.
68 просмотров