Бэрдьигэстээх нэһилиэгин бэтэрээннэрэ П.А.Ойуунускай аатынан Саха академическай театрын...
Бэрдьигэстээх нэһилиэгин бэтэрээннэрэ П.А.Ойуунускай аатынан Саха академическай театрын сыанатыгар туруоруллубут Н.Неустроев "Тиэтэйбит" диэн үйэлээх испэктээгин көрөн, дуоһуйа сынньанан кэллилэр. Бэтэрээннэр түмсүүлэрин салайааччыта Наталья Васильева туруорсуутунан, нэһилиэк 20 аҕам саастаах олохтооҕо киин куоракка айаннаан, искусство уонна култуура эйгэтигэр умсугутуулаах айаны оҥордулар. Бу сырыыны тэрийиигэ көмөлөспүт Сэмэн Данилов аатынан орто оскуолаҕа (директор Павел Петров), үөрэҕирии управлениетыгар, улуус баһылыгын солбуйааччытыгар Сардана Стручковаҕа уонна бэтэрээннэри этэҥҥэ таһаҕас сүүрдүбүт суоппарга Андрей Осиповка дириҥ махталбытын тиэрдэбит. Бу курдук болҕомто уонна өйөбүл аҕам саастаах дьоммут олохторун уһатар, кинилэргэ үөрүү-көтүү, умнуллубат түгэн бэлэхтиир.