Бэс ыйын 5 күнүгэр 19:00 чаастан Марфа уонна Сергей Расторгуевтар ааттарынан Саха циркэ... — 29 мая 2026 г. в 04:06:23.811
Бэс ыйын 5 күнүгэр 19:00 чаастан Марфа уонна Сергей Расторгуевтар ааттарынан Саха циркэтигэр «Моҕол Ураһа» тутуутугар туһуланар өрөспүүбүлүкэбит култуура тэрилтэлэрин, артыыстарын холбоһуктаах көмө кэнсиэригэр ыҥырабыт. «Моҕол Ураһа» - өбүгэлэртэн кэлбит устуоруйабыт, өйдөбүлбүт, духуобунай баайбыт. Бу бырайыак СӨ норуотун маастара Борис Федорович Неустроев-Мандар Уус түмпүт үлэтин, үөрэҕин, уһуйбут уус-уран тарбахтаах норуот маастардарын өр сыллаах сыралаах үлэлэрин көмөтүнэн олоххо киирбитэ. Көмө кэнсиэргэ «Туймаада» государственнай-вокальнай ансаамбыл, «Саха сирин виртуозтара» скрипка государственнай ансаамбыла, «Гулун» народнай үҥкүү ансаамбыла, «Күн өркөн» ансаабыл, Марфа уонна Сергей Расторгуевтар ааттарынан саха циркэтин артыыстара уонна балета, Клавдия уонна Герман Хатылаевтар, Ырыа Саарын, Анастасия Готовцева, Эрхаан, Милена Борисова, Василий Новоприезжий, Василена Шарина-Улан, Леонид Анциферов, Анастасия Алексеева, Синильга, Айсен Дьол, Прасковья Герасимова, Ванс Иванов, Нарияна Ренанто, Оталан, Пётр Попов, Айталыына Яковлева, Александр Карманов, Мария Шапошникова, «Даймонд» ансаамбыл кытталлар. Саха норуотун култуура пааматынньыгын «Моҕол Ураһаны» тутарга тус кылааппытын киллэриэҕиҥ! Киирбит үп барыта «Моҕол Ураһа» тутуутугар ыытыллар. Афанасий Ноев