Киһиэхэ төрөөбүт дойдута — 21 июня 2026 г. в 12:07:42.223
Киһиэхэ төрөөбүт дойдута Төрөппүт ийэтин кэриэтэ: Сүрэҕин ытатан, ыллатан, Норуот кырдьыгар үөрэтэр. Семен Данилов Хаҥаласпар дойдум көй салгынынан сайа тыынан, астына-дуоһуйа ыһыахтаан кэллим. Үс үллэр үөстээх Өлүөнэ Эбэ кытылыгар күнү көрсөн, Эркээни ыһыаҕар алгыс сиэригэр-туомугар кыттан күүс-сэниэ ыллым. Ыһыах, буоларын курдук, үрдүк таһымнаахтык ааста: алгыс сиэрэ-туома, эр дьон оһуохайа, сомоҕолоһуу оһуохайа, ырыа-тойук, хомус күрэхтэрэ, араас кэрэ бэйэлээх национальнай таҥас көрүүтэ, онтон да атын тэрээһиннэри сэргии көрдүм, дуоһуйа сынньанным. Онон ыһыаҕы тэрийбит биир дойдулаахтарбар барҕа махталбын тиэрдэбин. Афанасий Ноев
338 просмотров