Уус Алдаҥҥа үлэбинэн бара сылдьан, Сыырдаах сэлиэнньэтигэр уустары кытта көрсөн кэпсэпп... — 22 июля 2026 г. в 03:49:02.774
Уус Алдаҥҥа үлэбинэн бара сылдьан, Сыырдаах сэлиэнньэтигэр уустары кытта көрсөн кэпсэппитим. Улуустарга сылдьан, хайаан даҕаны уустары, иистэнньэҥнэри кытта көтүппэккэ көрсө сатыыбын. Ол курдук, биир күн уус Илларион Попов түбүгүрэ сылдьарын баттаһа көрүстүм. Кини сүрүннээн саха быһаҕын оҥорор эбит. Ону тэҥэ, маастар уһаныан баҕалаахтары үөрэтэр-такайар. Илларион үлэлэрэ Уус Алдан улууһугар эрэ буолбакка, бүтүн Саха сиригэр биллэллэр. Кини быһахтары хайдах оҥорорун көрдөрдө, туох былааннааҕын, үлэтин-хамнаһын билиһиннэрдэ. Бу курдук тыа сиригэр олорор үтүөкэн дьоммут киэҥ билиилэрин, үөрүйэхтэрин сайыннара, кэлэр көлүөнэҕэ, дьоҥҥо-сэргэҕэ үллэстэ, тарҕата сылдьаллара олус хайҕабыллаах буоллаҕа! Иллариоҥҥа ситиһиилэри, кытаанах доруобуйаны, саҥа саҕахтары дабайа турарыгар ис сүрэхпиттэн баҕарабын! Афанасий Ноев