Чөгәнә авыл клубы каршында экскурсион юнәлештәге җәйге клуб яны лагере үз эшен башлап җ... — 20 июня 2026 г. в 06:43:27.241
Чөгәнә авыл клубы каршында экскурсион юнәлештәге җәйге клуб яны лагере үз эшен башлап җибәрде. Лагерь кысаларында балалар өчен көн саен авылның истәлекле урыннарына экскурсияләр оештырыла. Катнашучылар урын-җир атамаларының килеп чыгышы, аларның тарихы һәм мәгънәсе белән таныша. Лагерьның беренче көне авылның иң матур урыннарының берсе булган, Сабантуй мәйданы урнашкан «Равил аланы»на багышланды. Балалар күренекле якташыбыз Равил Әхтәм улы Камилҗановның хезмәт юлы һәм тормыш юлы турында кызыклы мәгълүмат алдылар. Экскурсиядән соң балалар саф һавада төрле күңелле уеннарда катнаштылар, күтәренке кәеф һәм онытылмас тәэсирләр алдылар.
1 009 просмотров