🤼♂️ Сабантуйның абсолют батыры – Актаныш егете! — 3 июля 2026 г. в 14:31:38.780
🤼♂️ Сабантуйның абсолют батыры – Актаныш егете! Абхазия Республикасының Сухум шәһәрендә узган Сабантуйда татар халкының милли көрәше – көрәш ярышлары зур кызыксыну уятты. Абсолют батыр исеменә Татарстан Республикасы спортчысы, Актаныш районы егете Азат Гадрашитов лаек булды. Ул көчле көндәшләрен җиңеп, Сабантуйның иң дәрәҗәле бүләгенә ия булды. Җиңүчегә Татарстан Республикасы Рәисе Рөстәм Миңнеханов исеменнән төп бүләк – LADA Granta автомобиле тапшырылды. Азат Гадрашитовның җиңүе – Актаныш районы өчен зур горурлык. Бу уңыш милли көрәш традицияләренең яшәвен, яшь батырларыбызның республикабыз данын лаеклы яклавын тагын бер кат раслады. 👏 Азатны чын күңелдән зур җиңүе белән котлыйбыз! Яңа үрләр, сәламәтлек һәм яңадан-яңа уңышлар телибез!