Минтимер Шәймиевнең туган авылында беренче тапкыр «Авыл батыры» спорт марафоны үтте — 11 июля 2026 г. в 13:17:49.073
Минтимер Шәймиевнең туган авылында беренче тапкыр «Авыл батыры» спорт марафоны үтте Бүген бар дөньяга танылган татар авылы- Әнәк авылында — беренче Президентыбыз, хөрмәтле якташыбыз Минтимер Шәймиевнең туган җирендәге «Бабайда кунакта» ял паркында олы тантана булды. Биредә халыкны берләштерүче «Агро батыр — Авыл батыры» спорт марафоны узды. Ярышларны «Аманат» хәйрия фонды оештырды. Бәйгенең төп асылы — спортны авыл хезмәте белән дуслаштыру һәм ярышларны команда форматында үткәрү. Катнашучыларны һәм спортчыларга җан атарга килгән кунакларны мәртәбәле җитәкчеләр сәламләде. «Сетевая компания» акционерлык җәмгыятенең генераль директоры, авыл өчен җан атып яшәүче кадерле якташыбыз Илшат Фәрдиев бәйрәмдә катнашып, спортчыларга зур уңышлар теләде. Актаныш муниципаль районы башлыгы Ленар Зарипов үз чыгышында «Агро батыр — Авыл батыры» спорт марафонының әһәмиятен ассызыклады: „Авыл батыры“ ярышларының беренче тапкыр бездә үтүе — олы горурлык. Чөнки бу чара беренче Президентыбыз Минтимер Шәрип улы Шәймиевнең туган авылында уза. Ул — күренекле дәүләт эшлеклесе генә түгел, туган җире өчен җан атып торучы якташыбыз. Бүгенгәчә ул Татарстан халкы, республика өчен хезмәт куя. Чын күңелдән бүгенге ярышларны оештырган өчен Илшат Шәеховичка бик зур рәхмәт! Бу бәйрәм гүзәл бер традициягә нигез булсын, елдан-ел халыкны күбрәк җыйсын. Бүгенге ярышта алган энергиягез сезне гомерегез буена озатып барсын! Тулырак: https://aktanysh-rt.ru/news/avyllar-bailygybyz/mintimer-saimievnen-tugan-avylynda-berence-tapkyr-avyl-batyry-sport-marafony-utte