Райондашларыбызның мәгарифтәге фидакарь хезмәтләре югары бәяләнде — 26 августа 2026 г. в 11:42:43.576
Райондашларыбызның мәгарифтәге фидакарь хезмәтләре югары бәяләнде Бүгенге мәгариф хезмәткәрләре конференциясе куанычлы мизгелләргә бик бай булды. Чараның иң көтелгән һәм тәэсирле мизгелләренең берсе – бүләкләү тантанасы иде. Күп еллар намуслы хезмәт куйган, белем бирү өлкәсенә зур өлеш керткән педагогларга югары бүләкләр тапшырылды. Россия Федерациясе мәгариф министрлыгының Мактау грамотасы белән бүләкләнделәр: – Татар Суыксу төп гомуми белем бирү мәктәбенең башлангыч сыйныф укытучысы Чулпан Галиева һәм Чуракай төп гомуми белем бирү мәктәбенең хезмәт укытучысы Илдар Мингазов. аерым фәннәрне тирәнтен үзләштерүле 2 нче Актаныш урта гомуми белем бирү мәктәбенең математика укытучысы Рҗүдә Әхмәтовага Татарстан Республикасының Атказанган укытучысы исеме бирелде. Хөрмәтле райондашларыбыз, сезне югары бүләкләрегез белән чын күңелдән тәбрик итәбез! Сезнең хезмәтегез, балаларга биргән белемегез һәм күңел җылыгыз – район өчен зур байлык. Алга таба да уңышлар, нык сәламәтлек һәм иҗади көч телибез! Тулырак: https://aktanysh-rt.ru/news/sez-beznekelar/raiondaslarybyznyn-magariftage-fidakar-xezmat-iugary-baialande