ким атах оонньоон кыыраҥнаппытын бэркэ кэпсиир дьоннор бааллара. Сэрии уот будулҕанытта...
ким атах оонньоон кыыраҥнаппытын бэркэ кэпсиир дьоннор бааллара. Сэрии уот будулҕаныттан тыыннаах эргиллэн кэлбит, хорсун артиллерист буойун-учуутал Прокопий Алексеевич Павлов атах оонньууларыгар уонна сүүрүүгэ кими да иннигэр түһэрбэтэҕин сөҕөн - махтайан кэпсииллэрин истэр этим. Аны нэһилиэнньэ булчут араҥата, Прокопий Алексеевич курдук саанан сыыспакка ытар кусчут ахсааннаах этэ дииллэрэ. Оннооҕор көтөн иһэр куһу тозовка саанан күөрэтэн түһэрэрэ үһү. Маҥнайгы да, Иккис да Күүлэттэргэ, бастакы учууталларым барахсаттар Прокопий Алексеевич, Ирина Герасимовна тустарынан дьон наар үтүө эрэ өйдөбүллээх буолаллара. Оннук да буолан, нэһилиэнньэ дириҥ ытыктабылын ылаллара. Түмүкпэр, бастакы учууталым Прокопий Алексеевич кэтэхпиттэн убайдыы уйаҕас хабааттыыта миэхэ мэлдьи истиҥ-иһирэх өйдөбүлү, астыныыны, киэн туттууну үөскэтэр. Уопсайынан, Прокопий Алексеевич бэйэтин тус олоҕунан, үлэтинэн-хамнаһынан, оҕолорго, дьоҥҥо - сэргэҕэ истиҥ, үтүө сыһыанынан чахчы үтүөлээх учуутал, сахаҕа биир ньыгыл түс -бас киһи буоларын көрдөрбүт холобура, киниэхэ үөрэммит үгүс көлүөнэ дьоҥҥо киһи-хара буолууга, үтүөҕэ, олоххо тардыстыыга күүс-көмө, угуйар эркээйи буолбута. ВАСИЛЬЕВ ИВАН СЕМЕНОВИЧ, Ирбэт тоҥу үөрэтэр институт сүрүннүүр научнай үлэһитэ, географическай наука кандидата. Сэтинньи ый, 2005 сыл