Дьокуускайдааҕы Саха гимназиятын үбүлүөйдээх тэрээһиннэрин чэрчитинэн Саха Өрөспүүбүлүк...
Дьокуускайдааҕы Саха гимназиятын үбүлүөйдээх тэрээһиннэрин чэрчитинэн Саха Өрөспүүбүлүкэтин Үүнэр көлүөнэтин судаарыстыбаннай тыйаатырын талааннаах артыыстара Елизавета Хомподоева-Далбараева уонна Татьяна Хомподоева гимназия үөрэнээччилэригэр маастар-кылаас ыыттылар. Үөрэнээччилэр ускуустуба эйгэтигэр билиилэрин кэҥэтэллэригэр, саҥа сатабыллары ылалларыгар, төрөөбүт тыл, тыйаатыр өттүнэн сөпкө сайдалларыгар маннык көрсүһүүлэр улахан суолталаахтар. Саха гимназиятын коллектива олус сонун, дириҥ ис хоһоонноох, элбэҕи үөрэтэр-биллэрэр маастар-кылааһы ыыппыттарын иһин Елизавета Хомподоеваҕа-Далбараеваҕа уонна Татьяна Хомподоеваҕа истиҥ-иһирэх улахан махталларын тиэрдэллэр уонна айар үлэлэригэр өссө үрдүктэн-үрдүк ситиһиилэри баҕараллар. Үүнэр көлүөнэ тыйаатырын пресс-киинэ