Арча районында инвестицион үсеш мәсьәләләре буенча эшлекле очрашу узды — 11 июня 2026 г. в 15:18:05.462
Арча районында инвестицион үсеш мәсьәләләре буенча эшлекле очрашу узды Бүген Арча районында Татарстан Республикасының Инвестицион үсеш агентлыгы вәкилләре катнашында эшлекле очрашу үткәрелде. Делегацияне агентлык җитәкчесе Талия Миңнуллина җитәкләде. Очрашу барышында район башлыгы Алмаз Хисаметдинов белән берлектә Арча районының социаль-икътисади үсеше өчен әһәмиятле булган мәсьәләләр каралды. Аерым алганда, яңа үсеш нокталарын билгеләү, перспективалы инвестиция проектларын гамәлгә ашыру мөмкинлекләре һәм эшмәкәрлек өчен уңайлы шартлар булдыру турында фикер алышынды. - Бердәм көч белән башкарылган эш Арча районының инвестицион мөмкинлекләрен киңәйтергә ярдәм итәчәк. Районыбызга яңа проектлар җәлеп итү һәм халык өчен уңайлы мохит булдыру — безнең төп бурычларның берсе. Бу эшләр «Нәтиҗәле һәм конкурентлы икътисад» илкүләм проекты кысаларында да зур әһәмияткә ия, — диде район башлыгы