ШIэныгъэм икъушъхьэ лъагэ гъогоу екIурэр зэфэшъхьаф. Зым зиушъобгъузэ, псыхъошхо къиугъ... — 27 июля 2026 г. в 08:41:43.931
ШIэныгъэм икъушъхьэ лъагэ гъогоу екIурэр зэфэшъхьаф. Зым зиушъобгъузэ, псыхъошхо къиугъэм фэдэу къикIотызэ удещае. Адырэм псыхъожъые псыгъо цIыкIоу, къыхэлъэдэрэ псынэкIэчъ пстэури зы къуапэм фэзыщэзэ, анахь мыжъо пытэри пхырызыутырэм фэд - ыкIэм ыкIэжьым мэстапэм фэдэу шIэныгъэ куу чаныр бгъэфедэшъунэу уешIы. Шыбзыхъо Мыхьамэт Хэгъэгу Зэошхом икъэтхыхьан фигъэхьыгъ иакъыли икъэлэми. Хэгъэгум, Кавказым арыс лъэпкъхэм ялIыгъэ, япсэемыблэжьыныгъэ научнэ шъуашэм ригъэкIузэ къытхыхьагъ. Ау шIэныгъэлэжьым а зэпстэуми акIыIу ышIыгъэр ежь къызщыхъугъэ Адыгэ Хэкум, къызхэхъухьэгъэ адыгэ лъэпкъым ишъао ыкIи ипшъэшъэ пIугъэхэм зэрахьэгъэ блэнагъэм икъэтхыхьан. 1995-рэ илъэсым нэкIубгъо шъиплIым ехъурэ тхылъэу «Сыны и дочери Адыгеи в Великой Отечественной…» къыдэкIыгъ. Хым, чIым, жьым тихэгъэгу ишъхьафитныгъэ къащызыухъумэгъэ дзэпащэхэмрэ дзэкIолIхэмрэ а IофшIагъэр афэгъэхьыгъ. Зинахьыжъ илIыхъужъыныгъэ зыгъэлъапIэрэ цIыфхэмкIэ а тхылъыр непи осэнчъэ!