Образование · 3 августа 2026 г.

Тарихъ шIэныгъэхэмкIэ докторэу Мэрэтыкъо Мухътар 1990-рэ илъэсым хэушъхьафыкIыгъэу щыIэ... — 3 августа 2026 г. в 12:05:59.668

Тарихъ шIэныгъэхэмкIэ докторэу Мэрэтыкъо Мухътар 1990-рэ илъэсым хэушъхьафыкIыгъэу щыIэ хъугъэ этнографием иотдел иапэрэ пащэу институтым щашIыгъагъ. Аукъодыеу а IэнатIэр ащ къырапэсыгъагъэп – илъэсипшI пчъагъэм ар зыдэлэжьагъэр адыгэ шэн зэхэтыкIэ хабзэхэм якъэтхыхьан, язэгъэшIэн, яугъоин. Анахьэу шIэныгъэлэжьым ынаIэ зытетыгъэр адыгэ унагъом игъэпсыкIэ, адыгэ джэгу фэIо-фашIэхэм якъэтхыхьан. Ащ фэгъэхьыгъэ IофшIэгъэ анахь инэу Мэрэтыкъо Мухътар къыдигъэкIыгъэр – тхылъэу «Семья и брак и адыгских народов». НэкIубгъо 368 хъурэ тхыгъэр 1987-рэ илъэсым къыдэкIыгъ. Хабзэу, зэхэтыкIэу адыгэхэм яIагъэхэр Мэрэтыкъом къытхыхьэгъэхэ къодыеп. Я 19-рэ ыкIи я 20-рэ лIэшIэгъухэм а хабзэхэм зызэрахъожьыгъэхэр къыкIигъэтхъызэ, ахэр зэригъапшэхэзэ тхагъэ.  ШIэныгъэлэжьэу, зекIокIолIэу адыгэхэм къахэкIыгъэхэм ыкIи къахэхьахьагъэхэм яIофшIагъэхэр иIэубытыпIэхэу къэтхыхьанхэр ышIыгъэх. Непи тилъэпкъ итарихърэ ишIэжьрэ зыгъэлъапIэхэрэм  мы тхылъыр ашIогъэшIэгъоныщт.