#суруйаллар
#суруйаллар Кэрэ кэскил кыраайтан, Кэбээйиттэн 🐟 🐟🐟саха бастыҥ айымньытын "Олоҥхо" үс күннээх ☀️ умнуллубат ыһыаҕыттан кэлэн дуоһуйан олоробун. Булуҥ улууһун делегациялара бэрт сэргэхтик автобуһунан айаннаан тиийбиппит. Түүн тиийбиппитигэр оскуолаҕа олохтоотулар, утуйар сир бөҕө бэлэмнээбиттэр, тиийээт даҕаны сылаас уулаах душтарга🚿 айаммыт сылаатын таһааран сууннубут, чэйдээн баран утуйдубут. Сарсыарда☀️ туран сарсыардааҥҥы аһылык бэлэмнэммитигэр улахан шатерга киирэн аһаатыбыт. Кэбээйи дьоно ыалдьытымсахтара, элэккэйдэрэ сөхтөрдө. Булуҥ улууһун делегациятын Ньидьили нэһилиэгэ, Чагда бөһүөлэгэ көрүстэ👏🏻👏🏻👏🏻. Хас биирдии ыалдьыкка истиҥ сыһыаннара, астара дэлэйэ, буочука муҥунан собо буһаран хас кэлбит ыалдьыкка анаан күндүлүүллэрэ, итии чэйдэрэ элбэҕэ, нэһилиэк дьоно бары биир курдук баһылыктарын Айыл Александрович тула биир сомоҕо буолан былааннаахтык улэлииллэрин сэргии көрдүбүт 👍🏻👏🏻👏🏻👏🏻😄. Оскуолаларын оҕолорун бэйэлэриттэн тэйиппэккэ бииргэ ыһыах тэрээһинигэр илдьэ сылдьаллар оҕолорго инникитин улахан кэскиллээх иитии үлэтэ буоларын сыаналыыбын, оҕо көрөн үөрэнэр, бииргэ сылдьан, этигэр сахабыт культуратын иҥэринэ сылдьар буолар. Олоҥхо ыһыаҕын арыллыытын сиэрэ-туома киһи кутун ортотунан киирэн ааһар чаҕылхай✨🌟💫 түгэн буолла. Үс өрүс 🌊🌊🌊 тардыылаах, уу чалгый куттаах Кэбээйи - саха сирин тэбэр сүрэҕэ буоларын толору арыйан, Кэбээйи собо🐟🐟🐟 балыгынан биллэр уратытын, олорор укулааттарын дириҥник арыйан көрдөрбүттэрэ олус үчүгэй, ураты. Кыра оҕолортон кырдьаҕас киһитигэр тиийэ бары Кэбээйилэрин туһугар кыһаллалларын, дойдуларын таптыылларын ❤️🫶🏻🙌🏻 көрөн астынным. Аал-луук мас, туос ураһалар, саха балаҕаннарын оҥоһуулара сиэдэрэйэ кэрэхсэтэр. Бу ыһыахха олоҥхо, олоҥхону ааҕыы, оһуохай, уустар олохтоох болгуоттан тимири уһаарбыттара, спорт сахалыы көрүҥнэригэр күрэхтэһиилэрэ ньиргиччи барыта биир тыынынан ааста. Кэбээйилэр ыһыах ыыталларыгар бытархай чааһын барытын толкуйдаан онорбуттар. Барыта киһи, норуот туһугар. Ыһыах ыытыллар программата, чэпчэтинэр дьиэлэри, суунар сирдэри хото туппуттар. Ыһыах ыытыллыбыт, алгыс түспүт сирин харыстаан, маанылаан үҥкүүлэрин бөһүөлэк кулуубугар оҥорбуттара киһиэхэ элбэҕи толкуйдатар, астыннарар. Улуус баьылыгар Иван Иванович Левинна, баһылык солбуйааччытыгар Александр Сидорович Сивцевка, Чагда нэһилиэгин баһылыгар Айыл Александровичка, Чагда олохтоохторугар, Кэбээйи олохтоохторугар сүгүрүйэн туран улахан Махталбын биллэрэбин👏🏻👏🏻👏🏻🙌🏻🙌🏻🙌🏻. Үс күннээх ыһыах биир тыынынан, биир дьиэ кэргэн курдук ыһыахтаабыппыт дьоҥҥо холобур буоллун, үйэлэргэ кэпсээннин☀️💚. Чэлгийэ😊 Кэбээйи улууһун дьонун бииргэ түмэр бөлөх https://max.ru/join/NgwFODe4zW8tv4QsL2qfoQsVhV-bMsivQyroWnLP_ls