Бугун Сайылык күнэ — 22 мая 2026 г. в 06:36:14.224
Бугун Сайылык күнэ Саха Өрөспүүбүлэкэтин Ил Дарханын 2018 сыл сэтинньи 6 күнүнээҕи 150 нүөмэрдээх Ыйааҕынан ыам ыйын 22 күнэ Сайылык күнүнэн анаммыта. Өбүгэ үтүө үгэһин, тус дьарыгын илдьэ сылдьар, үрүҥ илгэни үрүлүтэр тыа сирин үлэһит дьонун өйүүр сыаллаах-соруктаах тэриллибитэ. Бу күн үрдүк айыылартан үтүө сайын кэлэригэр, илгэ быйаҥ дэлэйэригэр көрдөһөн саха дьоно барахсан алаадьы астаан, сыт таһааран үөрэ-көтө үмүөрүһэ мустан күөх сайыны көрсөр, сайылыкка көһөр. Биһиги үөрэхпит кыһата Сахабыт сирин сарсыҥҥытын салайсар, үүнэр-сайдар түөрэҕин түстүүр, өбүгэ үгэһин утумнуур, тыа сирин сайыннарар эдэр көлүөнэни иитэн-үөрэтэн таһаарар. Үтүө сайын үүннүн, үрүҥ илгэ үрүлүйдүн Өбүгэ үгэһэ үйэттэн үйэҕэ үксээтин Сыһыы муҥунан сыспай сиэллээх сырыырҕаатын Хонуу муҥунан хороҕор муостаах хойуннун! #научнаябиблиотека