✨Бүген Арча 5 нче гимназиясендә Татарстан Республикасы туган (татар) тел һәм әдәбият ук...
✨Бүген Арча 5 нче гимназиясендә Татарстан Республикасы туган (татар) тел һәм әдәбият укытучылары ассоциациясе белән берлектә «Туган тел һәм әдәбият дәресләрендә цифрлы белем бирү технологияләрен куллану» темасы буенча республикакүләм семинар узды. ✨Секция утырышында яңа методик алымнар, ясалма интеллектны дәрестә куллану һәм Г. Тукай мирасын заманча шартларда саклау мәсьәләләре күтәрелде. Шулай ук гимназия укытучылары Тукайның тормыш һәм иҗат юлын чагылдырган күргәзмә оештырдылар. 🤝Кунаклар «Терәк сүзләр болыты», «Май канаты ясау» кебек кызыклы мастер-классларда катнаштылар һәм А.П. Лесенконың «Шүрәле турында» дигән уникаль китабын тәкъдим итүне карадылар. Семинар «Печән өмәсе» фольклор кичәсе, «Без — Тукай геройлары» театраль тамашасы һәм «Халкыбызның күңел бизәкләре» дип исемләнгән кул эшләре күргәзмәсе белән үрелеп барды.