✅РӨСТӘМ НӘБИЕВКӘ – ЮҒАРЫ ДӘҮЛӘТ НАГРАДАҺЫ! — 6 июля 2026 г. в 09:01:47.120
✅РӨСТӘМ НӘБИЕВКӘ – ЮҒАРЫ ДӘҮЛӘТ НАГРАДАҺЫ! 👍Бөгөн Хөкүмәттең аҙналыҡ кәңәшмәһе бүләкләү тантанаһы менән башланды. Башҡортостан Башлығы Радий Хәбиров йәмәғәт эшмәкәре һәм блогер Рөстәм Нәбиевкә юғары дәүләт наградаһы – генерал Шайморатов миҙалы тапшырҙы. Яҡташыбыҙ, республика Башлығы указына ярашлы, гражданлыҡ бурысын үтәгәндә күрһәткән фиҙакәрлеге, ҡаһарманлығы өсөн бүләкләнде. 👏Рөстәм Нәбиевтең яҙмышын күптәр белә. Ул 2015 йылда Омскиҙа казарма емерелгәндән һуң ике аяғын да юғалтты һәм фажиғәнән һуң үҙенең тормошо менән кеше мөмкинлектәренең сикһеҙ булыуын иҫбатлай. Әүҙем социаль эш алып бара, хәйриә, спорт менән шөғөлләнә һәм тирә-яҡтағыларҙы үҙенең өлгөһө менән дәртләндерә. Альпинист донъяның иң бейек түбәләрен яулай, шул иҫәптән ҡулында Эльбрус, Килиманджаро, Аконкагуа һәм Эверест тауҙарына күтәрелә. Эверестҡа ул күптән түгел, 21 майҙа, күтәрелде, был тарихта ошоға өлгәшкән беренсе кеше булды. – Һеҙҙең Эвересты нисек яулап алыуығыҙҙы белмәйем, әммә һеҙ ысын мәғәнәһендә яугир. Һеҙ — беҙҙең ғорурлығыбыҙ һәм бик яҡшы кеше, – тине Радий Хәбиров. – Мин был награданы һөҙөмтә итеп түгел, ә ҙур яуаплылыҡ итеп ҡабул итәм һәм артабан да үҙ миҫалым менән кеше мөмкинлектәренең улар осраған шарттарға ҡарағанда күпкә киңерәк булыуын күрһәтәм. Шуға күрә артабан да республикабыҙҙы, илебеҙҙе данлау өсөн мөмкин булғандың барыһын да эшләйәсәкмен, — тине Рөстәм Нәбиев.