"Хезмәт һәм фидакарьлек" фестивале Татарстанда игълан ителгән Хәрби батырлык һәм хезмә...
"Хезмәт һәм фидакарьлек" фестивале Татарстанда игълан ителгән Хәрби батырлык һәм хезмәт фидакарьлеге елы кысаларында уза. Әлеге чара бүген Теләчедә дә узды. Фестиваль кунаклары күргәзмәләр белән танышты. Ансамбльләр җыр-биюләр белән каршы алды. Бәйрәмнең иң күңелле мизгелләренең берсе – Татарстан Республикасының Электрон мактау тактасына кертелгән теләчелеләргә исемле таныклыклар тапшыру булды. Бу хезмәт кешесенә күрсәтелгән ихтирам билгесе. Алар районыбызның төрле тармакларында эшләп, илебезгә игелекле хезмәт итәләр. Электрон мактау тактасына Теләче районыннан 50 кеше кертелгән.Чарада Россия Дәүләт Думасы депутатлары Рөстәм Галиулла улы Калимуллин, Илья Светославович Вольфсон, Дәүләт Советы депутаты Нәҗип Нәкыйп улы Хаҗипов, ТР Рәисе территорияләр белән эшләү идарәсенең баш киңәшчесе, районыбызның кураторы Лидия Фәвәрис кызы Сөнгатуллина һәм башка җитәкчеләр катнашты.