14 октябрь – Тыюлык эше хезмәткәрләре көне.
14 октябрь – Тыюлык эше хезмәткәрләре көне. Тыюлык эше хезмәткәрләре көнен үткәрү турындагы карар 1999 елда Владивостокта булып узган Россия тыюлыклары директорлары киңәшмәсендә кабул ителә. Инициатива Россия Федерациясе Табигый ресурслар министрлыгы тарафыннан яклау таба. «Балтач» дәүләт табигый тыюлыгы коллективын ихластан һөнәри бәйрәмнәре белән котлыйбыз! Аларга исәнлек-саулык, эшләрендә уңышлар телибез. «Балтач» дәүләт тыюлыгы республиканың төньягында, Балтач районында, Нократ елгасының уң ягы башланган һәм Шушма елгасы үзәне борыла торган урында җәелеп ята. Монда 3 400 гектардан артык җир сак астында тора. Тыюлык хезмәткәрләре табигать исән калсын өчен кешеләрнең аңын үзгәртергә кирәклеген аңлыйлар. Шуңа күрә монда экологик агарту – формальлек түгел. Белгечләр мәктәпләрдә еш кунак була. Алар лекцияләр генә укып калмый, ә балаларны эшләргә чакыралар: агачлар утырталар, сыерчык оялары һәм җимлекләр ясыйлар, территорияләрне чистарту буенча өмәләргә чыгалар. Бала үз куллары белән кошлар өчен өй төзегәндә яки елга ярыннан чүп-чарны җыеп алганда, табигать аның өчен абстракт төшенчә булудан туктый. Ул ниндидер шәхси әйбер булып китә, аны саклыйсы килү теләге туа. Бүген, тыюлык эше хезмәткәрләре көнендә, без әлеге һөнәр ияләренә сабырлык, уңышлар телибез. Аларның миссиясе — табигый мирасны саклау — ул бездән соң барлык киләсе буыннарга калачак әйбер. Бәйрәм белән!