3 сентябрьдә Россия халкы террорчылыкка каршы бердәмлек көнен искә ала. Әлеге дата 200... — 3 сентября 2026 г. в 09:22:26.121
3 сентябрьдә Россия халкы террорчылыкка каршы бердәмлек көнен искә ала. Әлеге дата 2004 елда Беслан шәһәрендәге тоткынлык нәтиҗәсендә, өч йөздән артык кешеләр гомерләре өзелүгә китергән коточкыч вакыйгалар белән бәйле. Террорчылык — кешелек дөньясы алдында торган иң зур янауларның берсе. Аның асылы — көч кулланып халыкны куркыту, төрле милләт һәм дин вәкилләре арасында дошманлык уяту, үз максатларына ирешү өчен кешеләрне манипуляцияләү. Нәкъ менә шуңа күрә дәүләт һәм гражданнарның бу золымга каршы берләшүе гаять мөһим. Бүген ил буенча дистәләгән акцияләр оештырыла. Бистәбезнең Геройлар аллеясында быел да «Тормыш тамчысы» чарасы узды. Максаты — фаҗига корбаннары истәлегенә ихтирам күрсәтү, җәмгыятьтә террорга карата нәфрәт тәрбияләү һәм актив гражданлык позициясен ныгыту. Кешелек дөньясын кара кайгыга салырга сәләтле канкойгыч җинаятьләргә карата битарафлык кабул ителми. Киләчәктә ил-көннәребез тыныч, күкләребез аяз булсын.