Районыбызда өлкәннәр декадасы кысаларында көзге ярминкә узачак — 29 сентября 2026 г. в 08:40:00.341
Районыбызда өлкәннәр декадасы кысаларында көзге ярминкә узачак Көз – муллык-хөрлек белән сугарылган фасыл, нәкъ шушы чорда һәркем дә салкын чорларны кайгырта. Шул уңайдан, 3 октябрь – шимбә көнне, район үзәгендә һәм Чепья авыл җирлегендә чираттагы авыл хуҗалыгы ярминкәсен уздыру күздә тотыла. Ярминкәдә, гадәттәгечә, авыл хуҗалыгы җәмгыятьләре, крестьян-фермерлык хуҗалыклары, шәхси эшмәкәрләр, җәмәгать туклануы предприятиеләре – сатып алучыларга, кулай бәядән, беренчел азык-төлек продукциясен тәкъдим итәчәкләр. Районыбызда узган ярминкәләрдә киң ассортиментта тәкъдим ителүче барлык ризыклар табын күрке булырлык! Ит-сөт продукциясе, казылыклар, май, сыр продуктлары, бал, камыр ризыклары, яшелчә, җиләк-җимешләрнең сыйфаты һәрчак сатып алучылар тарафыннан югары бәяләнә! Ярминкәдә шулай ук авыл хуҗалыгы культуралары, печән-салам да юнәлтергә мөмкин. Көзге муллыкның үзе кебек бай ярминкәгә рәхим итегез! Табыннарыбызны район җитештерүчеләрнең ризыклары баетсын, ил-көннәр имин булсын. ❗Игътибар! Балтач бистәсендә узучы ярминкәнең урыны үзгәрде. Сатып алучыларны «Пәнҗешәмбе базары» урынына, элеккеге икмәк комбинаты ишегалдына чакырабыз. Ярминкәләр ике җирлектә дә иртәнге сәгать 7 дә башланып китәчәк!